دَرگوَز 34:1 - هُدائے پاکێن کتاب، بلۆچی زبانا

¹ هُداوندا گۆن موسّایا گوَشت: ”پێسریگێن وانِکانی پئیمێن دو وانِک بتراش و من آیانی سرا هما لبزانَ نبیسان که پێسریگێنانی سرا نبشته اَتنت، هما وانِک که تئو پرۆشتنت.

دَرگوَز 34:1 Кръстосани препратки

زَبور 119:89

او هُداوند! تئیی هبر اَبدمان اِنت، آسمانا مُهر اۆشتاتگ.

دَرگوَز 24:12

هُداوندا گۆن موسّایا گوَشت: ”کۆها سر کپ، منی کرّا بیا و کَمّے همِدا بجَلّ که من ترا وانِکانَ دئیان که اِشانی سرا من په کئومئے سر و سۆجا شَریَت و پرمان نبشته کرتگ‌اَنت.“

دَرگوَز 31:18

وهدے هُداوندا سینائے کۆهئے سرا گۆن موسّایا هبر هلاس کرت، شاهدیئے دوێن وانِکی موسّائے دستا داتنت، سِنگئے دو وانِک اَتنت که اِشانی سرا هُداوندا دَهێن پرمان دستِ وت نبشته کرتگ‌اَتنت.

دَرگوَز 32:16

وانِک هُدائے تْراشتگێن اَتنت و نبشته هُدائے دَزنبِشت اَتنت که آییا وانِکانی سرا آجِتگ‌اَتنت.

دَرگوَز 32:19

وهدے موسّا اُردگاهئے نزّیکّا سر بوت، گوَسکی دیست. اے هم دیستی که مردم ناچا اَنت. موسّا سکّ زَهر گِپت و کۆهئے بُنا وتی دستئے وانِکی زمینا دئور دات و ٹُکّر ٹُکّر کرتنت.

دَرگوَز 34:28

موسّا تان چِلّ شپ و چِلّ رۆچا همۆدا هُداوندئے کرّا اَت، نه نانیَ وارت و نه آپ. وانِکانی سرا اَهد و پئیمانئے لبزی نبشته کرتنت، دَهێن پَرمانی نبشته کرتنت.

دَرگوَز 34:4

موسّایا پێسری وانِکانی پئیمێن دو وانِک تراشت و هما پئیما که هُداوندا هُکم داتگ‌اَت، سباها ماهلّه سینائے کۆها سر کپت. دوێن وانِک آییئے دستا اَتنت.