دَرگوَز 33:5 - هُدائے پاکێن کتاب، بلۆچی زبانا

⁵ چێا که هُداوندا گۆن موسّایا گوَشتگ‌اَت: ”اِسراییلیان بگوَش: ’تئو ناپَرمان و وَتسرێن کئومے ائے. من اگن په دمانێا هم گۆن تئو همراه ببان، بلکێن ترا تباه و برباد بکنان. نون وتی سَهت و زێوَران کَشّ. منَ چاران که گۆن تئو چے بکنان.‘“

دَرگوَز 33:5 Кръстосани препратки

پێدایش 18:21

که من جَهلادَ رئوان و چاران بارێن آیانی کرتگێن کار هما پِریاتئے کَدّا باز اَنت که په من سر بوتگ؟ اگن چُش نه‌اِنت، وَه من سهیگَ بان.“

پێدایش 22:12

پرێشتگا گوَشت: ”وتی دستا بدار و چُکّا هچّ مکن. نون منَ زانان که تئو هُداتُرسے ائے، چێا که تئو چَکّ و پَد نبوتئے و وتی بَچّ، وتی یکّێن چُکّ هم منا دات.“

زَبور 139:23

او هُدا! منا بچکّاس و منی دلا بزان، منا بچکّاس و منی پرێشانیان دلگۆش کن.

زَبور 73:19

اناگت گار و زئوالَ بنت، چه تُرسا سَرجما بێرانَ بنت.

دَرگوَز 32:9

بچار، من اے مهلوک دیستگ. اے ناپَرمان و وَتسَرێن کئومے.

دَرگوَز 33:6

اِسراییلیان هۆرێبئے کۆها وتی سَهت و زێور کَشِّتنت.

کاسِدانی کار 7:51

او سَرکش و مانمئیاتکێن مردمان! شمئے دل و گۆش سُنّت کنگ نبوتگ‌اَنت. وتی پت و پیرێنانی ڈئولا، شما هم مُدام هُدائے پاکێن روهئے هِلاپا اۆشتێت.