دَرگوَز 32:3 - هُدائے پاکێن کتاب، بلۆچی زبانا

³ سجّهێن مهلوکا تلاهئے نالُک چه گۆشان کَشِّت و هارونئے کِرّا آورتنت.

دَرگوَز 32:3 Кръстосани препратки

پێدایش 24:22

اُشتران که آپئے ورگ بَسّ کرت، مردا سُهرئے پُلۆهے در کرت که کِساس شَش گِرام اَت و په آییئے دَستان سُهرئے دو هتّلی که هر یکّێئے وزن کِساس سَد و بیست گِرام اَت.

پێدایش 35:4

گڑا آیان هر ڈنّی هُداے که گۆن اَت و هر چُلُمبے که گۆشان اَت، سجّهێنِش آکوبارا داتنت و آکوبا اے زُرت و شِکێما، مزنێن درچکئے چێرا کَلّ کرتنت.

دَرگوَز 32:2

هارونا گۆن آیان گوَشت: ”وتی جَن و بَچّ و جنکّانی گۆشانی تلاهێن نالُکان کَشّێت و منی کِرّا بیارێت.“

دَرگوَز 32:4

هارونا آیانی داتگێن تلاه زرت و آپ کرتنت. تِلاهی کالِبێا کرتنت و بُتێن گوَسکے اَڈّی کرت. مردمان گوَشت: ”او اِسراییل! اے تئیی هُدا اِنت که ترا چه مِسرا در کرت و آورتی.“

دَرگوَز 33:6

اِسراییلیان هۆرێبئے کۆها وتی سَهت و زێور کَشِّتنت.