دَرگوَز 32:19 - هُدائے پاکێن کتاب، بلۆچی زبانا

¹⁹ وهدے موسّا اُردگاهئے نزّیکّا سر بوت، گوَسکی دیست. اے هم دیستی که مردم ناچا اَنت. موسّا سکّ زَهر گِپت و کۆهئے بُنا وتی دستئے وانِکی زمینا دئور دات و ٹُکّر ٹُکّر کرتنت.

دَرگوَز 32:19 Кръстосани препратки

زَبور 119:53

بدکارانی سئوَبا هِژمناکَ بان، همایانی سئوَبا که تئیی شَریَتِش یله داتگ.

دَرگوَز 15:20

پئیگمبرێن مَریم که هارونئے گُهار اَت، آییا کَنجَریے زرت و پاد آتک. سجّهێن جنێن کَنجَری جنان و ناچ کنانا پاد آتکنت گۆن.

دَرگوَز 32:11

بله موسّایا وتی هُداوندێن هدائے کرّا پریات و زاری کرت و گوَشت: ”او هُداوند! اے مهلوک که تئو گۆن مزنێن واکے و زۆرمندێن دستے چه مِسرا در کرت و آورت، نون اِشان چێا تئیی هِژم بسۆچیت؟

دَرگوَز 32:18

موسّایا گوَشت: ”اے نه سۆبێن بئیَگی کوکّارے و نه پرۆش ورَگی زارے. منی گۆشان اے سئوتی تئوارے.“

دَرگوَز 34:1

هُداوندا گۆن موسّایا گوَشت: ”پێسریگێن وانِکانی پئیمێن دو وانِک بتراش و من آیانی سرا هما لبزانَ نبیسان که پێسریگێنانی سرا نبشته اَتنت، هما وانِک که تئو پرۆشتنت.

مَتّا 5:22

بله من شمارا گوَشان، هرکَس وتی براتئے سرا زَهرَ گیپت، آ هم هَکدیوانئے دێما مئیاریگ کنگَ بیت. کَسے که وتی براتا زاه و زَکَت بکنت، هَکدیوانا مئیاریگ کنگَ بیت، کَسے که وتی براتا ’هۆڑ‘ و ’اَهمکَ‘ گوَشیت، دۆزهئے آسئے سِزاوارَ بیت.

مَرکاس 10:14

ایسّایا که چُش دیست نارزا بوت و گۆن مریدان گوَشتی: ”چُکّان بِلّێت منی کِرّا بیاینت، آیانی دێما مدارێت، چێا که هُدائے بادشاهی اَنچێن مردمانیگ اِنت.

مَرکاس 3:5

ایسّایا په زَهر چارتنت، چێا که چه آیانی سِنگدلیا سکّ پَدَرد بوت. گۆن آ مردا گوَشتی: ”دستا شهار دئے!“ آییا دست شهار دات و دستی وشّ و دْراه بوت.