دَرگوَز 31:6 - هُدائے پاکێن کتاب، بلۆچی زبانا

⁶ من چه دانئے کَبیلها اَهیسامَکئے چُکّ اُهولیاب هم گِچێن کرتگ که بِسَلێلا کُمَکّ بکنت. من سجّهێن هُنَرمند دانایی بکشاتگ‌اَنت که هما سجّهێن چیزّان اَڈّ بکننت که من ترا هُکم داتگ:

دَرگوَز 31:6 Кръстосани препратки

دَرگوَز 28:3

هما سجّهێن هُنرمند که من په چُشێن کاران دانایی بکشاتگ‌اَنت، آیان بگوَش که هارونئے پۆشاکان تئیار بکنێت که هارونِش گوَرا بکنت و په دینی پێشوایی و منی هِزمتا وَپک ببیت.

دَرگوَز 31:5

سِنگانی تْراشگ و نادێنَگئے کارا بکنت و دار به‌آجِنت و هر پئیمێن اِزمکاری بکنت.

دَرگوَز 35:10

شمئے سجّهێن هُنَرمند بیاینت و اے سجّهێن چیزّان اَڈّ بکننت که هُداوندا هُکم داتگ:

دَرگوَز 35:34

هُداوندا بِسَلێل و دانئے کَبیلهئے اُهولیابِ اَهیسامَک سِکّارێنَگئے لاهکی هم داتگ‌اَنت.

دَرگوَز 35:35

هُداوندا اِشانا په هر پئیمێن کارا هُنَر بَکشاتگ، په هما سجّهێن کاران که آجِنۆکِشَ کننت و اِزمکارِش آسمانی و جَمو و سُهرێن پَژم و شَرّێن لیلُمئے سرا گوَپنت و دۆچنت، بزان هر کارے که بَلدێن اِزمکارَ کننت.“

دَرگوَز 35:4

موسّایا گۆن سجّهێن اِسراییلی مهلوکا گوَشت: ”اے هما هُکم اِنت که هُداوندا داتگ:

دَرگوَز 36:8

اے هُنَرمندان شاهدیئے تَمبوئے دَهێن پرده اَڈّ کرتنت. اے پرده چه هورت‌گواپێن لیلُم و چه آسمانی و جَمو و سُهرێن پَژما گوَپَگ بوتنت. هُنرمندێن اِزمکارێا اے پردهانی سرا کَرّوبیئے نَکش جۆڑ کرت.

دَرگوَز 38:23

چه دانئے کَبیلها اَهیسامَکئے مردێن‌چُکّ اُهولیاب اے کارئے سَرجم کنگا گۆن بِسَلێلا گۆن اَت. اُهولیاب آجِنۆک و بلدێن اِزمکارے اَت و گۆن آسمانی و جَمو و سُهرێن بندیکّ و هورت‌گواپێن لیلُما رنگ‌گواپی‌ایَ کرت.

دَرگوَز 6:26

همے هارون و موسّا اَتنت که هُداوندا گۆن آیان گوَشت: ”اِسراییلیان چه مِسرا رُمب رُمبا بکشّێت.“

لوکا 10:1

چه اِشیا رَند، هُداوندێن ایسّایا دگه هپتاد مرید گچێن کرت و هما شهر و مێتگان که رئوگی اَت، چه وت پێسر، دو دوا راهی داتنت و

کاسِدانی کار 13:2

وهدے رۆچگ اَتنت و هُداوندا سنا و ستا کنگا اَتنت، پاکێن روها گۆن آیان گوَشت: ”بارنابا و شاوولا په منی هما کارانی سَرجم کنگا گچێن بکنێت که من په آیان گیشّێنتگ‌اَنت.“

آکوب 1:5

اگن چه شما یکّێئے زانت و هِکمت کمّ ببیت، چه هُدایا بلۆٹیت و هُدا، که چه وتی بَکشندگیا هرکَسا بے مِنَّت و شِگانَ دنت، آییا زانت و هِکمتَ بَکشیت.