دَرگوَز 3:19 - هُدائے پاکێن کتاب، بلۆچی زبانا

¹⁹ بله منَ زانان که تان زۆرمندێن دستے مِسرئے بادشاها مجبور مکنت، آ شمارا رئوگا نئیلیت.

دَرگوَز 3:19 Кръстосани препратки

دَرگوَز 10:20

بله هُداوندا پِرئونئے دل سِنگ کرت و آییا اِسراییلی رئوگا نه‌اِشتنت.

دَرگوَز 11:10

موسّا و هارونا پِرئونئے دێما اے سجّهێن مۆجزه پێش داشتنت، بله هُداوندا پِرئونئے دل سِنگ کرت و پِرئونا اِسراییلی چه وتی مُلکا رئوگا نه‌اِشتنت.

دَرگوَز 11:9

هُداوندا گۆن موسّایا گوَشت: ”پِرئون شمئے هبران گۆشَ نداریت. پمێشکا مِسرا منِ هُداوندئے مۆجزه گێشترَ بنت.“

دَرگوَز 13:15

وهدے پِرئونا زِدّ کرت و مارا رئوگا نه‌اِشت، هُداوندا مِسرئے مُلکا سجّهێن ائولی چُکّ کُشتنت، چه انسانئے ائولی مَردێن‌چُکّان بگر تان دَلوَتانی ائولی نَرێن چُکّان، سجّهێنی کُشتنت. پمێشکا من هر دَلوَتئے ائولی نَرێن چُکّا په هُداوندا کُربانیگَ کنان و وتی لۆگئے سجّهێن ائولی مَردێن‌چُکّانَ مۆکان.‘

دَرگوَز 4:21

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.

دَرگوَز 5:2

بله پِرئونا گوَشت: ”یَهوِه کئے اِنت که من آییئے گپّا گۆش بداران و بنی اِسراییلا رئوگا بِلّان؟ من یَهوِها نزانان و بنی اِسراییلا رئوگا نئیلان.“

دَرگوَز 6:1

هُداوندا گۆن موسّایا گوَشت: ”نون تئو گندئے که من گۆن پِرئونا چے کنان. پِرئون منی زۆرمندێن دستا که گِندیت، مهلوکا رئوگا کِلّیت. هئو، منی زۆرمندێن دستا که گِندیت، آیان چه وتی مُلکا گَلّێنیت.“

دَرگوَز 8:28

پِرئونا گوَشت: ”من شمارا رئوگا کِلّان که گیابانا په وتی هُداوندێن هُدایا کُربانیگ بکنێت. بله سکّ دور مرئوێت و په من هم دْوا کنێت.“

دَرگوَز 9:35

پِرئونئے دل سِنگ بوت. اِسراییلی‌ای رئوگا نه‌اِشتنت، هما پئیما که هُداوندا چه موسّائے زُبانا گوَشتگ‌اَت.

دَرگوَز 9:7

پِرئونا په پَکّا کنگا مردم راه دات و سهیگ بوت که چه اِسراییلیانی مال و دَلوَتان یکّے هم نمُرتگ. بله پِرئونئے دل اَنگت سِنگ اَت و مهلوکی رئوگا نه‌اِشت.