دَرگوَز 3:14 - هُدائے پاکێن کتاب، بلۆچی زبانا

¹⁴ هُدایا گوَشت: ”من هما آن که هَستان. گۆن بنی اِسراییلا بگوَش که هما که نام اِنتی ’من هما آن‘، هماییا منا شمئے کرّا راه داتگ.“

دَرگوَز 3:14 Кръстосани препратки

زَبور 68:4

په هُدایا سئوت بجنێت و آییئے ناما نازێنێت، په آییا که جمبران سوار اِنت ستا و سنائے تئوارا بُرز کنێت. آییئے نام هُداوند اِنت، آییئے بارگاها شادهی کنێت.

زَبور 90:2

چه کۆهانی پێدا بئیگ و زمین و جهانئے اڈّ کنگا پێسر، چه اَزل تان اَبد، هُدا تئو ائے.

دَرگوَز 15:3

هُداوند جنْگ کنۆکے، نامی یَهوِه اِنت.

دَرگوَز 23:21

آییئے اِهتِراما بکن و هبرانی گۆش دار. آییئے هلاپا پاد مئیا که تئیی ناپرمانیا نبکشیت. چێا که منی نام آییئے باتِنا اِنت.

دَرگوَز 3:13

موسّایا گۆن هُدایا گوَشت: ”اگن من بنی اِسراییلئے کرّا برئوان و بگوَشان که شمئے بُنپیرکانی هُدایا منا شمئے کرّا راه داتگ و آ چه من جُست بکننت که آییئے نام کئے اِنت، آیانی پسّئوا چے بگوَشان؟“

دَرگوَز 6:2

هُدایا گۆن موسّایا هبر کرت، گوَشتی: ”من هُداوند آن.

دَرگوَز 6:3

من که اِبراهێم و اِساک و آکوبئے دێما زاهر بوتان، من وتی نام ’پُرواکێن هُدا‘ کرت. من آ هال نداتنت که منی نام ’یَهوِه‘ اِنت.

مَتّا 18:20

چێا که هر جاه دو یا سئے کَس منی نامئے سرا هۆر ببیت، من گۆن آیان گۆنَ بان.“

مَتّا 28:20

آیان درس و سَبکّ بدئیێت که منی سجّهێن هُکم و پرمانانی سرا کار بکننت. دلجم ببێت، من تان دنیائے هلاسیا، مُدام گۆن شما گۆن آن.“

یوهَنّا 8:24

من پمێشکا شمارا گوَشت که وتی گناهانی تها مرێت. اگن شما باور مکنێت که من هما آن، شما وتی گناهانی تها مرێت.“

یوهَنّا 8:28

پمێشکا ایسّایا گوَشت: ”وهدے شما انسانئے چُکّ چه زمینا چست کرت، گڑا زانێت که من هما آن و وتسرا کارے نکنان. هما ڈئولا که پتا سۆج داتگ، هما ڈئولا هبرَ کنان.

یوهَنّا 8:58

ایسّایا گوَشت: ”شمارا راستێنَ گوَشان، من هما آن که چه اِبراهێما پێسر بوتگان و هَستان.“

اِلهام 1:17

من که دیست، پوره مُردگے بوتان و آییئے پادانی دێما کپتان. وتی راستێن دستی منی سرا اێر کرت و گوَشتی: ”متُرس، من ائولی و آهری آن.

اِلهام 1:4

چه یوهَنّائے نێمگا، په آسیائے دَمگئے هپتێن کِلیسایان: چه هماییئے جندئے نێمگا که هست‌اِنت، هست بوتگ و آیگی اِنت، چه هما هپتێن روهانی نێمگا که آییئے بادشاهی تَهتئے دێما اَنت و چه وپادارێن شاهد ایسّا مَسیهئے نێمگا شمارا رهمت و اێمنی سر بات. ایسّا مَسیه هما ائولی اِنت که چه مُردگان زندگ بوتگ و دنیائے بادشاهانی هاکم اِنت. شان و شئوکت و زۆر، اَبد تان اَبد هماییا سر بات که مارا دۆستَ داریت و گۆن وتی هۆنا مارا چه گناهان آزاتی کرتگ و دینی پێشوا و بادشاهیے جۆڑی کرتگ که آییئے هُداێن پتئے هِزمتا بکنێن. اَنچُش بات. آمین.

اِلهام 1:8

هُداوندێن هُدا گوَشیت: ”بِندات من آن و هلاسی من آن، هما که هست‌اِنت، هست بوتگ و آیگی اِنت، پُرواک، آ من آن.“

اِلهام 4:8

چه اے چارێن سَهداران هر یکّێا شش بانزُل و هر نێمگا چمّ پِر اَت، بانزُلانی چێرا هم. اے هچّ بسَّ نکننت و شپ و رۆچ گوَشگا اَنت: ”پاک اِنت، پاک اِنت، پاک اِنت، پُرواکێن هُداوندێن هُدا پاک اِنت، هما که هست بوتگ، هست‌اِنت و آیگی اِنت.“