دَرگوَز 3:13 - هُدائے پاکێن کتاب، بلۆچی زبانا

¹³ موسّایا گۆن هُدایا گوَشت: ”اگن من بنی اِسراییلئے کرّا برئوان و بگوَشان که شمئے بُنپیرکانی هُدایا منا شمئے کرّا راه داتگ و آ چه من جُست بکننت که آییئے نام کئے اِنت، آیانی پسّئوا چے بگوَشان؟“

دَرگوَز 3:13 Кръстосани препратки

پێدایش 32:29

گڑا آکوبا گوَشت: ”منی دَزبندی اِنت که وتی ناما بگوَش.“ بله آییا گوَشت: ”منی نامئے جُستا چێا کنئے؟“ گڑا همۆدا آکوبی برکت دات.

دَرگوَز 15:3

هُداوند جنْگ کنۆکے، نامی یَهوِه اِنت.

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

دَرگوَز 3:14

هُدایا گوَشت: ”من هما آن که هَستان. گۆن بنی اِسراییلا بگوَش که هما که نام اِنتی ’من هما آن‘، هماییا منا شمئے کرّا راه داتگ.“

دَرگوَز 3:15

هُدایا گۆن موسّایا اے هم گوَشت: ”گۆن بنی اِسراییلا بگوَش که ’یَهوِه‘، بزان شمئے بُنپیرکانی هُدا، اِبراهێمئے هُدا، اِساکئے هُدا و آکوبئے هُدایا منا شمئے کرّا راه داتگ. تان اَبد منی نام همِش اِنت و من نَسلانی نَسل همے ناما یات کنگَ بان.

دَرگوَز 7:16

گۆن پِرئونا بگوَش: ’هُداوندا، بزان اِبرانیانی هُدایا منا تئیی کرّا راه داتگ که ترا بگوَشان: ”منی مهلوکا بِلّ که گیابانا رئوت و منا پرستشَ کنت،“ بله تئو اَنگت گۆش دارگا نه‌ائے.

مَتّا 1:21

آ، مردێن‌چُکّێئے سرا چِلّگَ بیت و آییئے ناما ایسّا بکن، چێا که آ وتی کئوما چه آیانی گناهانَ رَکّێنیت.“

مَتّا 1:23

نِشتگێن جنێن‌چُکّێئے لاپ پُرَّ بیت و مردێن‌چُکّێئے سرا چِلّگَ بیت و آییئے ناما اِمانوییل پِرَ بندنت، که اِشیئے مانا ”هُدا گۆن ما“ اِنت.

کاسِدانی کار 3:13

اِبراهێم، اِساک و آکوبئے هُدا، بزان مئے پت و پیرُکانی هُدایا، وتی هِزمتکارێن ایسّا شان و شئوکت دات، هما که شما گراێنت و کۆشارێنت و پیلاتوسئے دێما آ نمَنِّت، هرچُنت که پیلاتوسا آییئے آزات کنگئے شئور کرتگ‌اَت.