دَرگوَز 29:43 - هُدائے پاکێن کتاب، بلۆچی زبانا

⁴³ گۆن اِسراییلی مهلوکا هم همِدا گِندُکَ کنان و اے جاگه منی شان و شئوکتئے برکتا پاکَ بیت.

دَرگوَز 29:43 Кръстосани препратки

دَرگوَز 25:22

من همۆدا تئیی دێما زاهِرَ بان و گۆن تئو هبرَ کنان، چه سرپۆشئے بُرزا، چه شاهدیئے پێتیئے سرئے دوێن کَرّوبیانی نیاما اِسراییلیانی بارئوا هر پرمانے که هست، ترا گوَشانِش گۆن.

دَرگوَز 29:42

اے سۆچَگی کُربانیگ نَسل په نَسل مُدام شاهدیئے تَمبوئے دپا هُداوندئے بارگاها پێش کنگ ببنت. من همۆدا گۆن تئو گِندُکَ کنان و گۆن تئو هبرَ کنان.

دَرگوَز 29:44

من تَمبو و کُربانجاها پاک و پَلگارَ کنان و په وتَ گیشّێنان، هارون و آییئے چُکّان هم پاک و پَلگارَ کنان و په وتَ گیشّێنان که دینی پێشوا ببنت و منی هِزمتا بکننت.

دَرگوَز 40:34

جمبرا شاهدیئے تَمبو سرپۆش کرت و تَمبو چه هُداوندئے شان و شئوکتا سَررێچ بوت.

دَرگوَز 40:35

موسّایا شاهدیئے تَمبوئے تها شت نکرت که تَمبو جمبرا گپتگ‌اَت و چه هُداوندئے شان و شئوکتا سَررێچ اَت.

یوهَنّائے ائولی کاگد 3:2

او دُردانگان! انّون ما هُدائے چُکّ اێن، بله اَنگت زانگ نبوتگ که ما چے جۆڑ بئیگی اێن، همینچُکَ زانێن، وهدے آ زاهرَ بیت ما هم هماییئے ڈئولا بێن، پرچا که آ وهدی ما آییا هما پئیما گِندێن که آ هست.