دَرگوَز 29:41 - هُدائے پاکێن کتاب، بلۆچی زبانا

⁴¹ دومی گوَرانڈا مَگرِب‌تَهارا پێش کن، سُهبئے دانئے کُربانیگئے پئیما، و رێچَگی کُربانیگا هم پێش کن. اے تاهیربَکشێن وشبۆے و په هُداوندا آس‌جَتێن کُربانیگے.

دَرگوَز 29:41 Кръстосани препратки

زَبور 141:2

منی دْوا تئیی بارگاها چۆ سۆچکیا کبول بات و منی چِست بوتگێن دست، بێگاهئے کُربانیگئے پئیما.

دَرگوَز 12:6

تان اے ماهئے چاردهمی رۆچا بِدارێتی. سجّهێن اِسراییلی مهلوک مگرب‌تهارا وتی وتی پَسا هلار بکنت.

دَرگوَز 29:40

یکّ و نێم سێر شَرّێن آرت گۆن یکّ سێرے زئیتونئے زَگرێن ٹێلا هئوار کن و ائولی گوَرانڈئے همراهیا پێش کن. یکّ سێرے شراب هم پێش کن که رێچَگی کُربانیگ اِنت.

دَرگوَز 29:42

اے سۆچَگی کُربانیگ نَسل په نَسل مُدام شاهدیئے تَمبوئے دپا هُداوندئے بارگاها پێش کنگ ببنت. من همۆدا گۆن تئو گِندُکَ کنان و گۆن تئو هبرَ کنان.

دانیال 9:21

وهدے من اَنگت دْوا کنگا اَتان، جِبراییل، هما کَس که من وتی پێسریگێن شُبێنئے تها دیستگ‌اَت، بێگاها، کُربانیگ کنگئے وهدا بال کنان تێزیا منی کِرّا آتک.