دَرگوَز 28:41 - هُدائے پاکێن کتاب، بلۆچی زبانا

⁴¹ اے گُدان وتی برات هارون و آییئے چُکّانی گوَرا دئے. هارون و چُکّان رۆگن پِر مُش و گیشّێن و وَپکِش کن و دینی پێشواییئے کارا همایانی دستا دئے.

دَرگوَز 28:41 Кръстосани препратки

دَرگوَز 28:1

وتی برات هارون و آییئے مَردێن‌چُکّان، بزان ناداب و اَبیهو و اِلیازَر و ایتامارا چه اِسراییلیانی نیاما وتی کرّا بیار که دینی پێشوا ببنت و منی هِزمتا بکننت.

دَرگوَز 28:4

اِش اَنت هما پۆشاک که تئیار کنگی اَنت: سێنَگ‌پۆشے، اێپۆدے، کباهے، نَکش نَکشێن جامگے، پاگے و لانکیگے. په تئیی برات هارون و آییئے مَردێن‌چُکّان اے پۆشاکان تئیار بکننت که هارون و چُکّ دینی پێشوا ببنت و منی هِزمتا بکننت.

دَرگوَز 29:24

اے سجّهێنان هارون و آییئے چُکّانی دستانی دلا دئے و آیانی دستان هُداوندئے بارگاها چِست کن که اے چِست کنگی کُربانیگے.

دَرگوَز 29:35

همے پئیما که من ترا هُکم داتگ، گۆن هارون و آییئے چُکّان اَنچۆ بکن. هپت رۆچا پێشواییئے پاگبَندیئے رسما سَرجَم کن.

دَرگوَز 29:7

پِر مُشَگی رۆگن بزور و هارونئے سرا اێر رێچ و پِری مُش.

دَرگوَز 29:9

کُلاهِش سرا دئے. هارون و آییئے چُکّانی سْرێنا لانکیگ بند. اے اَبدمانێن پرمانے که دینی پێشوایی همایانیگ اِنت. اے کارا هارون و آییئے چُکّانی دَستا دئے.

دَرگوَز 30:35

هما پئیما هئوارِش کن و وشبۆێن سۆچُکیے اَڈّ کن که اَترساز وشبۆ اَڈَّ کنت. اے سۆچُکی وادۆک و زَگر و پاک ببیت.

دَرگوَز 40:13

پاکێن گُدان هارونئے گوَرا دئے، رۆگنی پِر مُش و وَپکی کن که دینی پێشوا ببیت و منی هِزمتا بکنت.

دَرگوَز 40:15

اَنچۆ که تئو آیانی پت رۆگن پِر مُشتگ، آیانی جندا هم رۆگن پِر مُش که دینی پێشوا ببنت و منی هِزمتا بکننت. گۆن رۆگن پِر مُشگا آیان دینی پێشواییَ رسیت و اے پێشوایی اَبدمانَ بیت، نَسلانی نَسل.“

یوهَنّا 3:34

آ کَس که چه هُدائے نێمگا رئوان دئیگ بوتگ، هُدائے هبرانَ کنت، چێا که هُدا وتی روها آییارا بێهسابَ بَکشیت.

یوهَنّائے ائولی کاگد 2:20

بله ”آ پاکێنا“ شمارا ”رۆگن پِر مُشتگ“ و شما سجّهێن چیزّانَ زانێت.

یوهَنّائے ائولی کاگد 2:27

بله شما چه آییئے نێمگا ”رۆگن پِر مُشگ“ بوتگێت و اے ”پِر مُشگ“ شمئے دلا مانیت. شمارا زلورت نێست کَسے شمارا درس و سَبکّ بدنت، چێا که چه هُدائے نێمگا، ”رۆگن پِر مُشگ“ وت شمارا سجّهێن چیزّان سَبکَّ دنت. اے ”رۆگن پِر مُشگ“ راست اِنت و درۆگێنے نه‌اِنت. هما پئیما هُدائے اَرواه و جَبینا بمانێت که شمارا تالیمی داتگ.