دَرگوَز 28:3 - هُدائے پاکێن کتاب، بلۆچی زبانا

³ هما سجّهێن هُنرمند که من په چُشێن کاران دانایی بکشاتگ‌اَنت، آیان بگوَش که هارونئے پۆشاکان تئیار بکنێت که هارونِش گوَرا بکنت و په دینی پێشوایی و منی هِزمتا وَپک ببیت.

دَرگوَز 28:3 Кръстосани препратки

دَرگوَز 35:10

شمئے سجّهێن هُنَرمند بیاینت و اے سجّهێن چیزّان اَڈّ بکننت که هُداوندا هُکم داتگ:

دَرگوَز 35:25

سجّهێن هُنرمندێن جنێنان جَلّکئے کار دستا کرت و اے چیزِّشَ گوَپت و آورتنت: آسمانی و جَمو و سُهرێن پَژم و شَرّێن لیلُم.

دَرگوَز 35:30

موسّایا گۆن اِسراییلیان گوَشت: ”بچارێت، هُداوندا چه یَهودائے کَبیلها اوریئے مردێن‌چُکّ، اَهورئے نُماسگ بِسَلێل گچێن کرتگ و

دَرگوَز 35:31

چه هُدائے روها پُرّ کرتگ و اَگل و پَهم و زانت و هر کِسمێن دستئے هُنَر بَکشاتگ.

دَرگوَز 35:35

هُداوندا اِشانا په هر پئیمێن کارا هُنَر بَکشاتگ، په هما سجّهێن کاران که آجِنۆکِشَ کننت و اِزمکارِش آسمانی و جَمو و سُهرێن پَژم و شَرّێن لیلُمئے سرا گوَپنت و دۆچنت، بزان هر کارے که بَلدێن اِزمکارَ کننت.“

دَرگوَز 36:1

”بِسَلێل و اُهولیاب و سجّهێن هُنَرمند که هُداوندا پاکێن جاگهئے اَڈّ کنگئے سجّهێن کارانی دانایی و پَهم بَکشاتگ‌اَنت، اے کارا هما پئیما سَرجم بکننت که هُداوندا هُکم داتگ.“

دَرگوَز 36:2

بِسَلێل و اُهولیاب و سجّهێن هُنَرمند که هُداوندا دانایی بَکشاتگ‌اَتنت، بزان هرکَس که دلا پرمات که بیئیت و کار بکنت، موسّایا آ گْوانک جت.

آکوب 1:17

هر نێکێن داد و هر تمانێن تُهپه و ٹێکی چه بُرزا کئیت، چه نور و رُژنئے پتئے نێمگا که هچبر بدلَ نبیت و هچّ تهاری و ساهگێا آییئے اَرواه و جَبینا راه نێست.