دَرگوَز 27:21 - هُدائے پاکێن کتاب، بلۆچی زبانا

²¹ شاهِدیئے تَمبوئے تها، چه هما پردها ڈَنّ که شاهِدیئے پێتیئے دێما اِنت، هارون و آییئے مَردێن‌چُکّ، بزان دینی پێشوا هُداوندئے بارگاها شپا تان سُهبا چراگان رۆک بدارنت. اے په اِسراییلیانی آیۆکێن نَسل و پَدرێچان اَبدمانێن پَرمانے.

دَرگوَز 27:21 Кръстосани препратки

پێدایش 1:5

هُدایا رُژنئے نام ”رۆچ“ کرت و تهاریئے نام ”شپ“. شپ گوَست و سُهب بوت. اے ائولی رۆچ اَت.

پێدایش 1:8

هُدایا کُبّهئے نام ”آسمان“ کرت. شپ گوَست و سُهب بوت. اے دومی رۆچ اَت.

زَبور 134:1

جی هئو، هُداوندا بنازێنێت، او هُداوندئے سجّهێن هزمتکاران که شپان هُداوندئے لۆگا آییئے هزمتا کنگا اێت!

دَرگوَز 12:14

اے په شما یاتگارێن رۆچے ببیت. شما باید اِنت اے رۆچا هُداوندئے ناما جَشنے بکنێت. اے جشنا نَسلانی نَسل اَبدی پرمانێئے هسابا برجاه بدارێت.

دَرگوَز 16:34

هما پئیما که هُداوندا موسّا هُکم داتگ‌اَت، هارونا اے دَرپ شاهِدیئے وانِکانی دێما اێر کرت که پَهازگ ببیت.

دَرگوَز 25:16

شاهِدیئے وانِکان که من ترا دئیان، همے پێتیا مانِش کن.

دَرگوَز 28:43

وهدے هارون و آییئے چُکّ شاهدیئے تَمبوئے تها یا کُربانجاهئے نزّیکّا رئونت، بزان په هِزمتا پاکێن جاگها کاینت، اے چێرپۆشان بپۆشنت. چۆ مبیت که گناهے وتی سرا بلَڈّنت و بمرنت. اے په هارون و آییئے نَسل و پَدرێچا اَبدمانێن پرمانے.

دَرگوَز 29:28

اے چه اِسراییلیانی نێمگا په هارون و آییئے چُکّان ابدمانێن شُگرانهے، چه هما همدلیئے کُربانیگان که اِسراییلی په هُداوندا کننتِش.

دَرگوَز 29:42

اے سۆچَگی کُربانیگ نَسل په نَسل مُدام شاهدیئے تَمبوئے دپا هُداوندئے بارگاها پێش کنگ ببنت. من همۆدا گۆن تئو گِندُکَ کنان و گۆن تئو هبرَ کنان.

دَرگوَز 29:44

من تَمبو و کُربانجاها پاک و پَلگارَ کنان و په وتَ گیشّێنان، هارون و آییئے چُکّان هم پاک و پَلگارَ کنان و په وتَ گیشّێنان که دینی پێشوا ببنت و منی هِزمتا بکننت.

دَرگوَز 30:21

وتی دست و پادان بشۆدنت که مَمِرَنت. اے په هارون و آییئے نَسل و پَدرێچا اَبدمانێن پرمانے، نَسلانی نَسل.“

دَرگوَز 30:36

چه اِشان لهتێن بدْرُش و آرت کن و تَمبوا شاهدیئے پێتیئے دێما، اێر کن، همۆدا که من گۆن تئو گِندُکَ کنان. اِشیئے کَدرا بزانێت که چه پاکا پاکتر اِنت.

دَرگوَز 30:8

مَگرِب‌تَهارا که هارون چراگان رۆکَ کنت، پدا سۆچُکی چێر بسۆچیت. اے هُداوندئے بارگاها دائِمی چێر سۆچَگی کُربانیگے، نَسلانی نَسل.

دَرگوَز 40:3

شاهدیئے پێتیا تَمبوئے تها اێر کن و پردها پێتیئے دێما لۆنجان کن که پێتی چێر و اَندێم ببیت.

مَتّا 4:16

هما کئوما که زِندی تهاریا گوَستگ‌اَت، مزنێن رُژنے دیست و هما مُلک و ڈگار که اۆدا مَرک ساهێل اَت، اۆدئے جَهمنندانی سرا رُژناییا سر جت.

لوکا 12:35

لانکا ببندێت و وتی چِراگا رۆک و رُژناگ بدارێت.

یوهَنّا 5:35

یَهیا رۆکێن چِراگے اَت و رُژنی تالانَ کرت و شما اِراده کرت که په کمّێن وهدێا آییئے نورئے تها گَل ببێت.

پِتْرُسئے دومی کاگد 1:19

اَنچُش مارا نبیانی پکّاێن هبر هم هست‌اَنت، سکّ شَرّ اِنت که اشانی نێمگا دلگۆش بکنێت، چِراگێئے پئیما اَنت که تهاریا دْرپشیت، تان هما وهدا که رۆچ ببیت و بامئے اِستار شمئے دلانی تها سر بکَشّیت.

اِلهام 2:1

په اِپێسُسئے کِلیسائے پرێشتگا نبشته کن: اے هبر هماییئیگ اَنت که هپتێن اِستاری راستێن دستا اَنت و هپتێن تلاهێن چِراگدانانی نیاما گام جنَگا اِنت. آ چُشَ گوَشیت: