دَرگوَز 23:12 - هُدائے پاکێن کتاب، بلۆچی زبانا

¹² شش رۆچا کار کن و هپتمی رۆچا آرام کن که تئیی گۆک و هر دَم بکننت و تئیی مۆلِدئے چُکّ و تئیی لۆگا نِشتگێن دَرامَدئے اَرواه تازَه‌دَم ببیت.

دَرگوَز 23:12 Кръстосани препратки

دَرگوَز 16:23

موسّایا گۆن آیان گوَشت: ”هُداوندا چۆ گوَشتگ: ’باندا شَبَّتئے رۆچ اِنت، هُداوندئے گیشّێنتگێن پاکێن رۆچ اِنت، په آرام کنگا. شمارا هرچے که پَچگی اِنت، مرۆچی بپَچێت و هرچے که لَهڑ دئیگی اِنت، مرۆچی لَهڑ دئیێت. هرچے که سرَ کئیت، په بانداتیگێن رۆچا اێرِش کنێت.‘“

دَرگوَز 23:11

بله هپتمی سالا بِلّ که ڈگار آرامَ کنت. کاری مدار، بِلّ که تئیی مهلوکئے گریب و نێزگارَ چِننت و ورنت و سر آتکگێنان گیابانئے جانوَرَ ورنت. وتی انگورئے باگ و زئیتونئے باگا هم اَنچُش کن.

دَرگوَز 34:21

شَش رۆچا کار بکن، بله هپتمی رۆچا آرام کن. ننگار کنگئے و رۆن و مۆشئے مۆسما هم همے پئیما بکن.

دَرگوَز 35:2

شش رۆچا کار کنێت، بله هپتمی رۆچ شَبَّت اِنت، په شما پاکێن رۆچے و آرام کنگئے رۆچ اِنت. اے رۆچا په منِ هُداوندا وَپْک کنێت. هرکَسا شَبَّتئے رۆچا کار کرت، آییئے سِزا مَرک اِنت.

دَرگوَز 35:3

شَبَّتئے رۆچا وتی لۆگ و مێتگان آس رۆک مکنێت.“

مَرکاس 2:27

پدا، گۆن آیان گوَشتی: ”هُدایا شَبَّتئے رۆچ په مردمان پێدا کرتگ، مردم په شَبَّتئے رۆچا پێدا نکرتگ‌اَنت.

لوکا 13:14

بله کَنیسَهئے مستر په اے سئوَبا که ایسّایا شَبَّتئے رۆچا دْرهبکشی کرتگ‌اَت نارزا بوت و گوَشتی: ”شمارا په وتی کاران شش رۆچ هست و هما رۆچان په وتی دْرهبکشیا بیاێت، نه که شَبَّتئے رۆچا.“