دَرگوَز 22:29 - هُدائے پاکێن کتاب، بلۆچی زبانا

²⁹ چه وتی کِشار و شیرَگان منی بَهرئے دئیگا دێر مکن. وتی ائولی مَردێن‌چُکّا منا بدئے.

دَرگوَز 22:29 Кръстосани препратки

دَرگوَز 13:12

اۆدا وتی ائولی مَردێن‌چُکّان گیشّێنێت و په هُداوندا وَپْک کنێت. شمئے مال و دَلوَتانی سجّهێن ائولی نَرێن چُکّ هم هُداوندئے ببنت.

دَرگوَز 13:2

”سجّهێن ائولی مَردێن‌چُکّان گیشّێن و په من وَپْک بکن. اِسراییلئے سجّهێن ائولی چُکّ منیگ اَنت، اِنسانانی چُکّ ببنت یا دَلوَتانی.“

دَرگوَز 23:15

بێهُمیرێن نگنئے ائییدا برجاه بدار. هما پئیما که من ترا هُکم داتگ، هپت رۆچا بێهُمیرێن نگن بوَر. اے کارا اَبیبئے ماها، هما وهدا بکن که من گیشّێنتگ، چێا که همے ماها شما چه مِسرا در آتکێت. کَسّ گۆن هالیگێن دستان منی بارگاها مئیئیت.

دَرگوَز 23:16

رۆن و مۆشئے ائییدا گۆن وتی هما کِشارانی ائولی بَر و سَمران جشن بگر که تئو وتی ڈگارا کِشتگ‌اَنت. اێرَهتئے ائییدا سالئے گُڈّی رۆچان جشن بگر، هما وهدا که وتی ڈگارئے بَر و سَمرا مُچَّ کنئے.

دَرگوَز 23:19

وتی زمینئے ائولی بَر و سَمرا وتی هُداوندێن هُدائے لۆگا بیار. شِنِکّئے گۆشتا ماتئے شیرئے تها لَهڑ مدئے.

دَرگوَز 34:19

هر لاپئے ائولی چُکّ منیگ اِنت، تئیی سجّهێن مال و دَلوَتانی ائولی نَرێن چُکّ هم، گۆک ببنت یا پَس.

دَرگوَز 34:20

هرئے ائولی کُرّگئے بدلا گوَرانڈے بکُش و کُرّگا بمۆک، بله اگن نَمۆکئےای، گڑا کُرّگئے گردنا بپرۆش. وتی سجّهێن ائولی مَردێن‌چُکّان اَلّم بمۆک. کَسّ منی دێما گۆن هۆرکێن دستان مئیئیت.

مَتّا 6:33

چه هر چیزّا پێسر، هُدائے بادشاهی و آییئے راستێن راهئے شۆهازا ببێت، اے سجّهێن وت شمارا دئیگَ بنت.

پولُسئے کاگد په رومیان 8:23

تهنا هستی نالگا نه‌اِنت، ما وت هم که چه روهئے ائولی بَر و سَمرا شریکدار بوتگێن، وتی درونا نالگا اێن، همے وهدا که په بێسبری وَدارا اێن که مارا په چُکّی بزوریت، تانکه مئے جِسم و جان آزات کنگ ببیت.

آکوب 1:18

آییئے واهگ همے بوتگ که مارا چه راستیئے هبرئے وَسیلها پێدا بکنت، تانکه آییئے جۆڑ کرتگێنانی ائولی بَر و سَمر ببێن.