دَرگوَز 22:10 - هُدائے پاکێن کتاب، بلۆچی زبانا

¹⁰ اگن کَسێا هرے، گۆکے، پَسے یا دگه دَلوَتے وتی همساهگئے اَمانت کرت و آ دَلوَت مُرت یا ٹَپّیگ بوت یا برگ بوت و کَسّا ندیست،

دَرگوَز 22:10 Кръстосани препратки

پێدایش 39:8

بله ایسُّپا نمَنِّت و گوَشتی: ”منی واجه چه من اَنچۆ دلجم اِنت که آییا گۆن اے لۆگئے هچّا کار نێست و وتی سجّهێن مال و هستی‌ای منی دستا داتگ.

دَرگوَز 22:11

گڑا آیانی جێڑه هُداوندئے سئوگندئے سرا گیشّێنگ ببیت که آییا اَمانت کرتگێن مال دست نجتگ. دَلوَتئے واهند اے سئوگندئے سرا رازیگ ببیت و سئوگندئے ورۆک مَلام پُرّ مکنت.

دَرگوَز 22:9

اگن دو مردم چیزّێئے سرا اَڑِت، گۆکے ببیت یا هرے یا پَسے یا چادِرے یا دگه گار بوتگێن چیزّے، گڑا اے دوێنانی جێڑه هُدائے بارگاها برگ ببیت و هرکَس که هُدایا مئیاربار کرت، آ، دومیا دو سری مَلام بدنت.

لوکا 12:48

بله هما که په نازانتی اَنچێن رَدے جنت که لَٹّ و کُٹّئے سِزاوار اِنت، کمتر لَٹَّ وارت. چێا که چه مسترێن مَنسبدارا گێشتر جُست و پُرسَ بیت و کَسێا که گێشتر زِمّهواری دئیگ بوتگ، چه آییا گێشتر هساب گِرگَ بیت.

لوکا 16:11

نون اگن شما اے بێوپا و کوڑَهێن دنیائے مالانی سرا راست و تچک مبێت، گڑا کئے بَرهَکّێن مال و گنجئے بارئوا شمئے سرا باوَرَ کنت؟

په تیموتاووسا پولُسئے دومی کاگد 1:12

من پمێشکا سَکّی و سۆری سگّگا آن، بله شرمندگ نه‌آن چێا که زانان من کئیی سرا ایمان آورتگ و دلجم آن که آییا اے واک و توان هست که تان وتی آیگئے رۆچا هما امانتئے نگهپانیا بکنت که منا داتگی.