دَرگوَز 21:29 - هُدائے پاکێن کتاب، بلۆچی زبانا

²⁹ بله اگن آ گۆکا پێسرا هم کانٹ جتگ و آییئے واهُندِش هال داتگ و هُژّار کرتگ، و واهندا اَنگت گۆک نبستگ و آ گۆکا مردێن یا جنێنے کُشت، گۆک سِنگسار کنگ ببیت و واهند هم مَرکئے سِزا دئیگ ببیت.

دَرگوَز 21:29 Кръстосани препратки

پێدایش 9:5

هرکَس که شمئے هۆنا برێچیت و ساها بگیپت، من چه آییا هسابَ گِران. چه هر هئیوانا هسابَ گِران و چه هر اِنسانا. چه هما مردما هسابَ گِران که دگه مردمێا کُشیت، چێا که مردم برات اَنت.

دَرگوَز 21:28

اگن گۆکێا مردێن یا جنێنے کانٹ جت و کُشت، گۆک سِنگسار کنگ ببیت و مردم آییئے گۆشتا مئورنت. گۆکئے واهند سِزا دئیگ مبیت.

دَرگوَز 21:30

بله اگن چه گۆکئے واهندا مَلام لۆٹگ بوت، گڑا په وتی زندئے مۆکَگا هر مَلامے که چه آییا لۆٹگَ بیت، بدنت.

دَرگوَز 21:36

بله اگن مردمَ زاننت که آ گۆکا پێسرا هم کانٹ جتگ و اَنگت واهندا گۆک نبستگ، گڑا آ واهُند گۆکئے بدلا گۆکے بدنت و مُرتگێنا بزوریت.“