دَرگوَز 20:11 - هُدائے پاکێن کتاب، بلۆچی زبانا

¹¹ چێا که هُداوندا شَش رۆچا آسمان، زمین، دریا و هرچے که اِشانی تها هست، اَڈّ کرتنت و هپتمی رۆچا آرامی کرت، پمێشکا هُداوندا شَبَّتئے رۆچ برکت داتگ و گِچێنی و پاکێن رۆچے جۆڑ کرتگ.

دَرگوَز 20:11 Кръстосани препратки

پێدایش 1:28

هُدایا آ، برکت دات و گوَشتنت: ”چُکّ و بَر کنێت، باز ببێت و زمینا پُرّ کنێت و زمینئے سرا هاکمی بکنێت. دریائے ماهیگ، آسمانئے مُرگ و زمینئے سجّهێن سُرِندَهانی سرا هاکمی بکنێت.“

پێدایش 1:31

هُدایا وتی سجّهێن جۆڑ کرتگێن چیزّ چارتنت. دیستی که اے کار سکّ شَرّ بوت. شپ گوَست و سُهب بوت. اے شَشُمی رۆچ اَت.

دَرگوَز 31:17

اے تان اَبد منی و اِسراییلئے نیامئے اَهد و کَرارئے نشانیَ بیت، چێا که منِ هُداوندا شش رۆچا زمین و آسمان اَڈّ کرتنت و هپتمی رۆچا آرام کرت و تازه‌دَم بوتان.‘“

دَرگوَز 8:22

بله آ رۆچا من گۆشِنئے دَمگا که اۆدا منی مهلوک نِشتگ، اے کَهرا نئیاران. اۆدا مَکِسک‌گرَندَ نبیت. اے پئیما تئو زانئے که اے مُلکا هُداوند من آن.

دَرگوَز 9:29

موسّایا گوَشت: ”من اَنچۆ که چه شهرا درَ کایان، وتی دستان هُداوندئے نێمگا چِستَ کنان. گرَندَ اۆشتیت و ترۆنگلئے گوارگ بندَ بیت که تئو بزانئے که دنیا هُداوندئیگ اِنت.

کاسِدانی کار 14:15

گوَشتِش: ”او مردمان! شما چے کنگا اێت؟ ما شمئے ڈئولێن بنی‌آدم اێن و بَسّ. آتکگێن شمارا اے مِستاگا بدئیێن که اے هراب و ناهودگێن کاران یله بکنێت و بَرهَکّ و نمیرانێن هُدائے کِشکا بگرێت. آییا آسمان، زمین، دریا و هرچے که آیانی تها هست‌اِنت، اَڈّ کرتگ‌اَنت.

کاسِدانی کار 20:7

هپتگئے ائولی رۆچا، په نانئے چُنڈ چُنڈ کنگا هۆریگا نِشتگ‌اَتێن و پولُسا گۆن باوَرمندان تْران کرت. دومی سباها آ رئوگی اَت، پمێشکا تان شپنێما هبری کرت.

کاسِدانی کار 4:24

آیان که اِشکت، یکدل و همتئوار هُدائے بارگاها دْوا کرت و گوَشتِش: ”او زۆرمندێن هُداوند، آسمان و زمین و دریائے اَڈّ کنۆک و هر چیزّے که آیانی تها اِنت!

اِلهام 10:6

و هماییئے سئوگندی وارت که اَبد تان اَبد زندگ اِنت، هماییئے که آسمان و هرچے که آسمانان هست، زمین و هرچے که زمینا هست، دریا و هرچے که دریائے تها هست جۆڑی کرتگ‌اَنت. گوَشتی: ”نون وهد هلاس اِنت.