دَرگوَز 2:23 - هُدائے پاکێن کتاب، بلۆچی زبانا

²³ ماه و سال گوَستنت و همے نیاما مِسرئے بادشاه مُرت. اِسراییلی چه وتی گُلامیا نالَگ و پِریاتا اَتنت. آیانی اے نالَگ و پِریات بُرزاد شت و هُدایا سر بوتنت.

دَرگوَز 2:23 Кръстосани препратки

پێدایش 16:11

هُداوندئے پرێشتگا پدا گوَشت: ”نون تئو لاپ‌پُرّ ائے و مردێن‌چُکّے کارئے. چُکّئے ناما اِسماێل بکن چێا که هُداوندا تئیی پِریات اِشکتگ.

پێدایش 4:10

هُداوندا گوَشت: ”تئو چِه کارے کرت؟ تئیی براتئے هۆن چه زمینا گۆن من پریات کنگا اِنت.

زَبور 102:1

او هُداوند! منی دْوایا گۆش دار، منی پریات ترا سر بات.

زَبور 102:2

منی سکّی و سۆریئے رۆچا وتی دێما چه من چێر مدئے. وتی دلگۆشا گۆن من کن، وهدے ترا تئوارَ کنان، زوتّ پَسّئو بدئے.

زَبور 12:5

هُداوندَ گوَشیت: ”چه نِزۆرێن مردمانی لگتمالی و هاجتمندانی نالگانی سئوَبا نون جاهَ جنان. من اِشان هما پئیما اێمنیَ بَکشان که اِشانی اَرمان اِنت.“

زَبور 18:6

وتی پرێشانیانی تها هُداوندُن تئوار جت و کُمک لۆٹگئے پریاتُن وتی هُدائے گوَرا بُرز کرت. آییا چه وتی پرستشگاها منی تئوار اِشکت و منی کُمک لۆٹگئے پریات آییئے گۆشان رَست.

دَرگوَز 1:14

هِشت و بَتانَهئے اَڈّ کنگِشَ پرماتنت و ڈگارانی سرا هر دابێن گرانێن کارِشَ گپتنت و آیانی زندگی‌اِش اَزاب کرت. سجّهێن کارِش په بێرَهمی پرماتنت.

دَرگوَز 4:19

میدیانئے مُلکا هُداوندا گۆن موسّایا گوَشت: ”پدا مِسرا برئو، چێا که آ سجّهێن مردم که تئیی کُشگئے رندا اَتنت، مُرتگ‌اَنت.“

دَرگوَز 6:5

من دیستگ که مسریان اِسراییلی گُلام کرتگ‌اَنت و اسراییلی چه اے گُلامیا نالَگا اَنت. من اے نالَگ اِشکتگ‌اَنت و وتی اَهد و پئیمانئے یاتا کپتگان.

دَرگوَز 6:9

موسّایا گۆن اِسراییلیان اے هبر کرتنت، بله وتی پرُشتگێن اَرواه و گرانێن زهمتانی سئوَبا موسّائے هبرِش گۆش نداشت.

دَرگوَز 7:7

اے وهدا که آیان گۆن پِرئونا هبر کرت، موسّائے اُمر هشتاد سال اَت و هارونئے هشتاد و سئے.

کاسِدانی کار 7:30

چِلّ سالا رَند، سینائے کۆهئے گیابانا، پرێشتگے بُن گپتگێن ڈۆلُکێئے آسئے شهمانی تها په موسّایا پَدّر بوت.

آکوب 5:4

بچارێت، انّون هما کارنده و دِهکانانی مُزّ شمئے هلاپا کوکّارَ کنت، که آیان شمئے ڈگارانی کِشار رۆن و مۆش کرتگ‌اَنت و شما گۆن مَندر و رپک آیانی مُزّ نداتگ. آ رُنۆکانی اے پریات، زۆرمندێن هُداوندئے گۆشا رَستگ.