دَرگوَز 2:20 - هُدائے پاکێن کتاب، بلۆچی زبانا

²⁰ پتا گۆن وتی جنکّان گوَشت: ”گڑا کُجا اِنت؟ شما آ مرد چێا نئیاورتگ گۆن؟ تئواری کنێت، بِلّی کئیت و نانَ وارت.“

دَرگوَز 2:20 Кръстосани препратки

پێدایش 18:5

شما که وتی هِزمتکارئے کرّا آتکگێت، بِلّ په شما ورگَ کاران، آپ و تامے بکنێت و رندا دێما برئوێت.“ گوَشتِش: ”شَرّ، هرچے که تئو گوَشئے.“

پێدایش 29:13

لابانا اَنچۆ که وتی گهارزاتک آکوبئے هال اِشکت، تچانا آتک، آکوبی گوَراَمباز کرت، چُکّت و وتی لۆگا برتی. آکوبا سجّهێن گپّ گۆن لابانا جتنت و

پێدایش 31:54

همۆدا، کۆهستگێن دَمگا کُربانیگے کرتی و سیاد و وارِسی ورگێا داوَت داتنت. ورگا رند شپا همۆدا داشتِش.

پێدایش 43:25

تان ایسُّپئے آیگا، نێمرۆچئے وهدا، آیان وتی ٹێکی تئیار کرتنت، چێا که اِشکتگ‌اَتِش که ما سُبارگا همِدا اێن.

دَرگوَز 2:19

آیان گوَشت: ”مرۆچی مِسریێا مارا چه شپانکانی دستا رَکّێنت. آپی هم کَشِّت و رمگی آپ دات.“

دَرگوَز 2:21

موسّا مردئے کرّا جَهمنند بئیگا رازیگ بوت و مَردا وتی جنکّ سَپورَه گۆن موسّایا سور دات.

په تیموتاووسا پولُسئے ائولی کاگد 5:10

آ وتی شرّێن کارانی سئوَبا وَشنامێن مردمے ببیت. اَنچێن مردمے ببیت که وتی چُکّی شَرّ رۆدێنتگ‌اَنت، مهمانداری‌ای کرتگ، پلگارتگێنانی هِزمتی کرتگ، پرێشانێن مردمانی کُمکّی کرتگ و په هر پئیمێن شَرّێن کارا مُدام تئیار بوتگ.