دَرگوَز 2:17 - هُدائے پاکێن کتاب، بلۆچی زبانا

¹⁷ بله لهتێن شپانک آتک و جنکِّش گلّێنتنت. موسّا جنکّانی کُمَکّا پاد آتک و آیانی رمگی آپ دات.

دَرگوَز 2:17 Кръстосани препратки

پێدایش 21:25

اِبراهێما اَبیمَلِکئے کِرّا آییئے هِزمتکارانی شکایت کرت که منی چاتے پُشتا کَشِّتگِش.

پێدایش 29:10

وهدے آکوبا وتی ماتئے برات لابانئے جنکّ راهیل و لابانئے پَس دیستنت، دێم په چاتا شت، سِنگی چه چاتئے دپا کنزێنت و وتی ناکۆئے پَسی آپ داتنت.

پێدایش 29:3

وهدے سجّهێن رَمگ اۆدا مچَّ بوتنت، شپانکان آ سِنگ چه چاتئے دپا کنزێنت، پَس آپَ داتنت و سِنگ پدا هما جاگها، چاتئے دپا اێرَ کرت.

دَرگوَز 2:12

موسّایا وتی چپّ و چاگرد چارت و دیستی که کَسّ نێست. گڑا مِسری‌ای کُشت و رێکانی تها کَلّ کرت.