دَرگوَز 2:16 - هُدائے پاکێن کتاب، بلۆچی زبانا

¹⁶ میدیانئے دینی پێشوایا هپت جنێن‌چُکّ هست‌اَت. اے جنکّ آتک و آپئے کَشّگ و تَگارئے پُرّ کنگا لگّتنت که پتئے رمگا آپ بدئینت.

دَرگوَز 2:16 Кръстосани препратки

پێدایش 14:18

گڑا شَلیمئے بادشاه مَلکیسِدیکا، که بُرزێن اَرشئے هُدائے دینی پێشوا اَت، نان و شراب آورت.

پێدایش 24:11

چه شهرا ڈَنّ، چاتێئے کِرّا اُشتری جۆکێنتنت. بێگاهئے وهد اَت و اے وهدا جنێن په آپئے کَشّگا آتکنت.

پێدایش 24:13

بچار، من اے چَمّگئے کِرّا اۆشتاتگان و شهرئے مردمانی جنکّ په آپئے کَشّگا پێداک اَنت.

پێدایش 29:2

اۆدا دیستی تَه دشتا چاتے و سئے رمگ چاتئے نزّیکّا وپتگ، چێا که مردمان اے رمگ چه همے چاتا آپَ داتنت. بلاهێن سِنگے چاتئے دپا اَت.

پێدایش 41:45

پِرئونا ایسُّپ سُپنات‌پَنێها نامێنت و گۆن اونئے شهرئے دینی پێشوا پوتیپێرائے جنکّ اَسِناتا سور دات. نون ایسُّپ سجّهێن مِسرا گَشت.

دَرگوَز 18:1

میدیانئے دینی پێشوا یَترون که موسّائے جَنئے پت اَت، هما سجّهێن کارانی بارئوا سهیگ بوت که هُدایا په موسّا و آییئے مهلوک اِسراییلا کرتگ‌اَتنت، بزان هُداوندا چۆن اِسراییلی چه مِسرا در کرت و آورتنت.

دَرگوَز 18:12

موسّائے ناکۆ یَترونا په هُدایا سۆچَگی و دگه کُربانیگ پێش کرت. هارون و اِسراییلئے سجّهێن کماش آتکنت که هُدائے بارگاها گۆن موسّائے ناکۆا نان بوَرنت.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.