دَرگوَز 19:6 - هُدائے پاکێن کتاب، بلۆچی زبانا

⁶ بله شما په من دینی پێشوایانی بادشاهیے جۆڑَ بێت و پاک و در چِتگێن کئومے بێت. همے هبران گۆن اِسراییلیان بکن.‘“

دَرگوَز 19:6 Кръстосани препратки

زَبور 114:2

یَهودا هُدائے گِچێن کرتگێن و اِسراییل آییئے بادشاهی بوت.

دَرگوَز 15:26

هُداوندا گوَشت: ”اگن تئو په دلگۆش وتی هُداوندێن هُدائے تئوارا گۆش بدارئے و هما کاران بکنئے که آییئے چمّان شَرّ اَنت، اگن آییئے هُکمان دلگۆش بکنئے و آییئے سجّهێن پرمانان بِمَنّئے، هچّ چُشێن نادْراهیے تئیی سرا نئیاران که من مِسریانی سرا آورت، چێا که منِ هُداوند تئیی دْراه کنۆک آن.“

دَرگوَز 22:31

شما منی پاک و در چِتگێن کئوم ببێت. آ دَلوَت که رسترێا جتگ و کُشتگ، آییئے گۆشتا مئورێت، کُچِکّانی دێما دئوری دئیێت.“

دَرگوَز 28:36

چه زَگرێن تلاها پَٹّیے اَڈّ کن و اے لبزان چۆ مُهرئے نَکشا پَٹّیئے سرا نَکش کن: ’وَپْکِ هُداوندی.‘

پولُسئے کاگد په رومیان 12:1

او براتان! منی دَزبندی گۆن شما اِش اِنت که گۆن هُدائے رَهمتانی چارگا، وتی جِسم و جانا چۆ زِندگێن کُربانیگێا پێش بکنێت که پاک و پَلگار اِنت و هُدایا پَسُندَ بیت. اے شمئے روهانیێن پرستش اِنت.

په تِسالونیکیان پولُسئے ائولی کاگد 5:27

من شمارا هُداوندئے ناما هکمَ دئیان که اے کاگد په سجّهێن براتان وانَگ ببیت.

پِتْرُسئے ائولی کاگد 2:5

نون شما زندگێن سِنگانی پئیما په روهانیێن لۆگێئے بندگا کار بندگ ببێت، پاک و پَلگارتگێن روهانیێن پێشوا هم ببێت و اَنچێن روهانیێن کُربانیگ بدئیێت که چه ایسّا مَسیهئے وَسیلها هُدایا وَشنۆدَ کننت.

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.

اِلهام 20:6

بَهتاور و پاک و پَلگار اَنت هما که اے ائولی جاه جنگا شریکَ بنت، دومی مرکا آیانی سرا هچّ اِهتیار نێست و آ، چه هُدا و مَسیهئے نێمگا دینی پێشوا جۆڑَ بنت و گۆن مَسیها تان هزار سالا هُکمرانیَ کننت.

اِلهام 5:10

تئو آ په مئے هُدایا دینی پێشوا و بادشاهیے جۆڑ کرتگ‌اَنت و آ، زمینئے سرا هکومتَ کننت.“