دَرگوَز 18:7 - هُدائے پاکێن کتاب، بلۆچی زبانا

⁷ موسّا په وتی ناکۆئے پێشوازیا در آتک، په اَدب سَری جَهل کرت و ناکۆیی چُکِّت. یکدومیئے هالپُرسی‌اِش کرت و گِدانا پُتِرتنت.

دَرگوَز 18:7 Кръстосани препратки

پێدایش 14:17

وهدے اِبرام چه کِدُرلامِر و آییئے هَمپَتّێن بادشاهانی پرۆش دئیگا رند پِر ترّگا اَت، سُدومئے بادشاه تان شاوِهئے دَرَگا، که بادشاهئے دَرَگ اِنت، آییئے پێشوازیا آتک.

پێدایش 18:2

اِبراهێما چمّ چِست کرتنت، دیستی که سئے مرد منی نزّیکّا اۆشتاتگ. آییا که دیستنت، چه گِدانئے دپا په اِشتاپی آیانی وشّاتکا شت، په اَدب سَری جَهل کرت و

پێدایش 19:1

بێگاها، دوێن پرێشتگ سُدوما سر بوتنت. لوت شهرئے دروازگئے دپا نِشتگ‌اَت. وهدے پرێشتگی دیستنت، پاد آتک و آیانی پێشوازیا شت، په اَدب سَری جَهل کرت و

پێدایش 29:13

لابانا اَنچۆ که وتی گهارزاتک آکوبئے هال اِشکت، تچانا آتک، آکوبی گوَراَمباز کرت، چُکّت و وتی لۆگا برتی. آکوبا سجّهێن گپّ گۆن لابانا جتنت و

پێدایش 31:28

تئو اینچُکا هم سَبر نکرت که من وتی نُماسگ و جنکّان بچُکّان و رُکست بکنان. تئو هۆڑ و اَهمکێن کارے کرت.

پێدایش 43:26

ایسُّپ که لۆگا آتک، آیان وتی آورتگێن ٹێکی داتنت و ایسُّپئے دێما سَرِش په اَدب جَهل کرت.

پێدایش 45:15

ایسُّپا وتی سجّهێن برات اَمباز کرت و چُکِّتنت و گرێتی. نون آییئے برات گۆن آییا هبرا لگّتنت.

پێدایش 46:29

ایسُّپا وتی اَرّابه تئیار کناێنت و گۆشِنا، وتی پت اِسراییلئے چارگا شت. اَنچۆ که ایسُّپ پتئے کِرّا سر بوت، پتی گلاێش کرت و تان دێرا گرێتی.

زَبور 2:12

چُکّا بچُکّێت چۆ مبیت که زهر بگیپت و شما راهئے نێما گار و بێگواه ببێت، چیا که آ اَناگت بْرانزَ گیپت. بَهتاور هما اَنت که آییئے مئیار و باهۆٹَ بنت.

دَرگوَز 18:6

یَترونا په موسّایا پئیگام راه دات: ”منِ یَترون تئیی ناکۆ، تئیی جَن و دوێن چُکّانی همراهیا تئیی کرّا پێداک آن.“

دَرگوَز 33:7

موسّایا مُدام تَمبوے زرت و چه اُردگاها دور مِکَّ کرت. اے تَمبوئے نامی گِندُکئے تَمبو کرت. هرکَس که هُداوندئے سر و سۆجانی لۆٹۆک اَت، چه اُردگاها ڈَنّ گِندُکئے تَمبوا شت.

دَرگوَز 4:27

هُداوندا گۆن هارونا گوَشت: ”موسّائے چارگا گیابانا برئو.“ هارون شت و هُدائے کۆها گۆن موسّایا دُچار کپت و موسّایی چُکّت.

لوکا 7:45

تئو منا نچُکّت، بله اے جنێن چه منی رَسگا تان اے وهدی، یکپئیما منی پادان چُکّگا اِنت.

کاسِدانی کار 20:37

سجّهێنان پولُس گُلاێش کرت، چُکِّت و باز گرێتِش.

کاسِدانی کار 28:15

وهدے اۆدئے باوَرمندێن براتان اِشکتگ‌اَت که ما پێداک اێن، گڑا تان ”آپیوسئے بازارا“ و ”سئے مُساپرجاه“ نامێن مێتگێا مئے پێشوازیا آتکنت. پولُسا که دیستنت، آییا دِلبڈّیے رَست و هُدائے شُگری گپت.