دَرگوَز 17:15 - هُدائے پاکێن کتاب، بلۆچی زبانا

¹⁵ موسّایا کُربانجاهے اَڈّ کرت و آییئے نامی کرت ”هُداوند منی بئیرَک اِنت“.

دَرگوَز 17:15 Кръстосани препратки

پێدایش 12:7

بله هُداوند، اِبرامئے دێما زاهر بوت و گوَشتی: ”چه منی نێمگا اے سرڈگار تئیی نَسل و پَدرێچئیگ اِنت.“ گڑا اِبراما اۆدا په هُداوندا، که آییئے دێما زاهر بوتگ‌اَت، کُربانجاهے اَڈّ کرت.

پێدایش 12:8

چه اۆدا آ، دێم په کۆهستگا، بئیت‌اێلئے رۆدراتکی نێمگا شت و وتی گِدانی اَنچێن جاگهے مِکّ کرت که بئیت‌اێلئے شهر آییئے رۆنِندی نێمگا و اَیائے شهر، رۆدراتکی نێمگا اَت. اۆدا په هُداوندا کُربانجاهے اَڈّی کرت و هُداوندئے نامی تئوار کرت.

پێدایش 22:14

اِبراهێما آ جاگهئے نام کرت ”هُداوند چار و گُزارَ کنت“ و تان مرۆچیگا گوَشگَ بیت که: ”هُداوندئے کۆهئے سرا، چار و گُزار کنگَ بیت.“

پێدایش 33:20

اۆدا کُربانجاهے اَڈّی کرت و آییئے نامی اێل‌اێلوهی‌اِسراییل کرت.

زَبور 60:4

بله اَنگت بئیرکِت په هُداتُرسان بُرزاد کرتگ تانکه یکجاه ببنت و چه دژمنئے کمانا برکّنت. اۆشت...

دَرگوَز 24:4

موسّایا هُداوندئے سجّهێن هبر نبشته کرتنت. موسّا سُهبا ماهلّه پاد آتک، کۆهئے بُنا کُربانجاهے اَڈّی کرت و په اِسراییلئے دوازدهێن کَبیلهان دوازده سِنگی مِکّ کرت.

دَرگوَز 27:1

چه چِگردئے دارا کُربانجاهے اَڈّ کن. دْراجی و پْراهیا پَنچ پَنچ دَست ببیت. کُربانجاه چارکُنڈ ببیت. بُرزیا سئے دَست ببیت.

دَرگوَز 32:5

هارونا که مردمانی اے هالَت دیست، گوَسکئے دێما کُربانجاهے اَڈّی کرت و جاری جت: ”باندا هُداوندئے ناما جَشن اِنت.“