دَرگوَز 16:6 - هُدائے پاکێن کتاب، بلۆچی زبانا

⁶ موسّا و هارونا گۆن سجّهێن اِسراییلیان گوَشت: ”مرۆچی بێگاها شما زانێت که چه مِسرا شمئے در کنۆک هُداوند اَت و

دَرگوَز 16:6 Кръстосани препратки

زَبور 77:20

تئو وتی کئوم موسّا و هارونئے دَستا رهشۆنی کرت، رمگێئے پئیما.

زَبور 81:11

”بله کئوما منی هبر گۆش نداشت و اِسراییل منی پرمانبَردار نبوت.

دَرگوَز 12:51

هما رۆچئے جندا هُداوندا اِسراییلی، رُمب رُمبا چه مِسرا در کرتنت.

دَرگوَز 16:3

اِسراییلیان گوَشت: ”دْرێگتا ما مِسرا هُداوندئے دستا بمُرتێنێن. اۆدا وَه ما گۆشتئے دێگانی کِرّا نِشتگ‌اَتێن و دِلئے سێرا نانَ وارت. بله شما مارا اے گیابانا آورت که اے سجّهێن مهلوکا چه شُدا بکُشێت.“

دَرگوَز 16:8

موسّایا گوَشت: ”هُداوند شمارا په ورگا بێگاها گۆشت و سُهبا نگنَ دنت، لاپئے سێرا، چێا که هُداوندا شمئے هما نُرُنڈگ اِشکتگ‌اَنت که شما آییئے سرا کرتگ‌اَنت. ما چے اێن؟ شما مئے سرا نُرُنڈگا نه‌اێت، هُداوندئے سرا نُرُنڈگا اێت.“

دَرگوَز 32:1

وهدے مهلوکا دیست که موسّایا چه کۆها اێر کپگا سکّ دێر کرت، هارونئے چپّ و چاگردا مُچّ بوتنت و گوَشتش: ”بیا، په ما هُدا اَڈّ کن که راها چه ما پێسَر ببنت، چێا که آ مَرد، موسّا که مارا چه مِسرا دری کرت و آورتی، نزانێن آ چۆن بوت.“

دَرگوَز 32:11

بله موسّایا وتی هُداوندێن هدائے کرّا پریات و زاری کرت و گوَشت: ”او هُداوند! اے مهلوک که تئو گۆن مزنێن واکے و زۆرمندێن دستے چه مِسرا در کرت و آورت، نون اِشان چێا تئیی هِژم بسۆچیت؟

دَرگوَز 32:7

هُداوندا گۆن موسّایا گوَشت: ”اێر کپ، چێا که اے تئیی مهلوک که تئو چه مِسرا در کرت و آورت، نون سِلکاریا لگّتگ.

دَرگوَز 6:6

پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

دَرگوَز 6:7

من شمارا زوران و وتی کئومَ کنان و شمئے هُدا بان. گڑا شما زانێت که من شمئے هُداوندێن هُدا آن، هما که شمارا چه مِسریانی بیگاریا دری کرتگ.