دَرگوَز 16:34 - هُدائے پاکێن کتاب، بلۆچی زبانا

³⁴ هما پئیما که هُداوندا موسّا هُکم داتگ‌اَت، هارونا اے دَرپ شاهِدیئے وانِکانی دێما اێر کرت که پَهازگ ببیت.

دَرگوَز 16:34 Кръстосани препратки

دَرگوَز 25:16

شاهِدیئے وانِکان که من ترا دئیان، همے پێتیا مانِش کن.

دَرگوَز 25:21

سرپۆشا پێتیئے سرا اێر کن و هما شاهِدیئے وانِکان که من ترا دئیان، آیان پێتیئے تها کن.

دَرگوَز 27:21

شاهِدیئے تَمبوئے تها، چه هما پردها ڈَنّ که شاهِدیئے پێتیئے دێما اِنت، هارون و آییئے مَردێن‌چُکّ، بزان دینی پێشوا هُداوندئے بارگاها شپا تان سُهبا چراگان رۆک بدارنت. اے په اِسراییلیانی آیۆکێن نَسل و پَدرێچان اَبدمانێن پَرمانے.

دَرگوَز 30:36

چه اِشان لهتێن بدْرُش و آرت کن و تَمبوا شاهدیئے پێتیئے دێما، اێر کن، همۆدا که من گۆن تئو گِندُکَ کنان. اِشیئے کَدرا بزانێت که چه پاکا پاکتر اِنت.

دَرگوَز 30:6

کُربانجاها هما پردهئے دێما اێر کن که شاهدیئے پێتیئے دێما اِنت، بزان کَپارَتئے سرپۆشئے دێما که شاهدیئے وانِکانی سربرا اِنت، هما جاگها که من گۆن تئو گِندُکَ کنان.

دَرگوَز 31:18

وهدے هُداوندا سینائے کۆهئے سرا گۆن موسّایا هبر هلاس کرت، شاهدیئے دوێن وانِکی موسّائے دستا داتنت، سِنگئے دو وانِک اَتنت که اِشانی سرا هُداوندا دَهێن پرمان دستِ وت نبشته کرتگ‌اَتنت.

دَرگوَز 38:21

تَمبوئے، بزان شاهِدیئے تَمبوئے سامان همِش اَتنت که لاویان موسّائے هُکمئے سرا و دینی پێشوا هارونئے مردێن‌چُکّ ایتامارئے سرۆکیا هساب کرت و نبشته کرتنت.

دَرگوَز 40:20

شاهدیئے دوێن وانِکی زرت و پێتیا کرتنت، گوَرباسکی پێتیا پِر کرتنت و کَپارَتئے سرپۆشی پێتیئے سرا دات.