دَرگوَز 16:15 - هُدائے پاکێن کتاب، بلۆچی زبانا

¹⁵ وهدے اِسراییلیان دیست، گۆن یکدگرا گوَشتِش: ”اے چێے؟“ چێا که آیان نزانت اے چێے. موسّایا گوَشت: ”اے هما نگن اِنت که هُداوندا شمارا په ورگا داتگ.

دَرگوَز 16:15 Кръстосани препратки

زَبور 105:40

آیان لۆٹِت و هُداوندا بئینکوێن مُرگ رئوان دات و آیی گۆن آسمانی نگنا سێر کرتنت.

زَبور 78:24

مَنّی په آیان چۆ هئورا گوَرت که بوَرنت، آسمانی گندمی بَکشاتنت.

دَرگوَز 16:31

اِسراییلیان اے نگنئے نام ”مَنّ“ کرت. اے گِهنیچئے تُهمئے پئیمێن اَتنت، اِسپێت‌چَک اَتنت و تامِش چۆ بێنَگی نگنا اَت.

دَرگوَز 16:33

موسّایا گۆن هارونا گوَشت: ”دَرپے بزور و یکّ اُمێرے مَنّی مان کن و هُداوندئے بارگاها اێری کن که په شمئے آیۆکێن نَسل و پَدرێچان اێر ببیت.“

دَرگوَز 16:4

هُداوندا گۆن موسّایا گوَشت: ”بچار، من چه آسمانا په شما نگنَ گوارێنان. مهلوک هر رۆچ ڈنّا در بیئیت و وتی هما رۆچئے کِساسا نگن مُچّ بکنت و بزوریت. اے پئیما آیانَ چکّاسان که بارێن منی شَریَتئے راها رئونت یا نه.

لوکا 12:30

دنیائے سجّهێن هُداناباورێن مردم اے چیزّانی رَندا تچنت، بله شمئے آسمانی پتَ زانت که شمارا اے چیزّ پَکار اَنت.

یوهَنّا 6:49

شمئے پت و پیرُکان گیابانا مَنّ وارت، بله اَنگت مُرتنت.

یوهَنّا 6:58

اے نان که چه آسمانا اێر آتکگ، آ نگنئے پئیما نه‌اِنت که شمئے پت و پیرُکان وارت و اَنگت مُرتنت، چێا که هرکَس که اے نانا بوارت، تان اَبد زندگَ مانیت.“

اِلهام 2:17

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه چێر و پناهێن مَنّا بَهرے دئیان. من آ مردما اسپێتێن سِنگے هم دئیان که آییئے سرا نۆکێن نامے نبشته اِنت. اے ناما تهنا هما زانت که آییا دئیگَ بیت.