دَرگوَز 15:17 - هُدائے پاکێن کتاب، بلۆچی زبانا

¹⁷ او هُداوند، تئو وتی مهلوکا مُلکا کارئے و وتی میراسئے کۆهئے سرا نادێنئے، هما جاگها که تئو په وتی نِندگا اَڈّ کرتگ، هما پاکێن جاگه که تئیی دستان تئیار کرتگ، او هُداوند!

دَرگوَز 15:17 Кръстосани препратки

زَبور 114:2

یَهودا هُدائے گِچێن کرتگێن و اِسراییل آییئے بادشاهی بوت.

زَبور 2:6

”من وتی بادشاه، وتی پاک و گچێنیێن کۆه، سَهیونئے سرا نندارێنتگ.“

زَبور 44:2

تئو گۆن وتی دستا کئوم در کرتنت، بله مئے پت و پیرێن سبز کرتنت. کئومِت درُشتنت و مئے پت و پیرێن شاهگانی بَکشاتنت.

زَبور 68:16

او بازٹُلّێن کۆه! په چے هما کۆها گۆن هسدّے چارگا ائے که هُدایا په وتی لۆگجاها گچێن کرتگ، همۆدا که هُداوند تان اَبد جهمنندَ بیت؟

زَبور 76:2

آییئے تَمبو شَلیما اِنت و منندجاه، سَهیونا.

زَبور 80:15

همے انگورئے که تئیی راستێن دستا کِشت، همے چُکّئے که تئو په وت رۆدێنت و زۆرمند کرت.

زَبور 80:8

تئو انگورئے درچکے چه مِسرا گوَتک، تئو کئوم ڈنّا در کرتنت و اے درچک کِشت.

دَرگوَز 15:13

تئو په مِهر وتی مۆکِتگێن مهلوکئے رهبری کرت و گۆن وتی زۆر و واکا دێم په وتی پاکێن بارگاها آیانی رهشۆنی کرت.

دَرگوَز 23:20

بچار، نون من پرێشتگے راه دئیگا آن. اے چه تئو پێسرَ بیت که راها تئیی پاسپانیا بکنت و ترا منی تئیار کرتگێن جاگها ببارت و سر بکنت.

دَرگوَز 25:8

په من پاکێن جاگهے اَڈّ بکننت که من آیانی نیاما جَهمنند ببان.

دَرگوَز 32:34

نون برئو و مردمان دێم په هما جاگها بَر که آییئے بارئوا من گۆن تئو هبر کرتگ. منی پرێشتگ چه تئو پێسرَ بیت. بله سِزائے رۆچا من اِشانی گناهئے سِزایا دئیان.“