دَرگوَز 14:21 - هُدائے پاکێن کتاب، بلۆچی زبانا

²¹ موسّایا وتی دست دریائے سرا شهار دات و چه هُداوندئے زۆرا سجّهێن شپا چه رۆدراتکا ترُندێن گواتێا کَشِّت و دریا پُشتا کِنزێنت. آپ دو بهر بوت و هُشکی زاهر بوت.

دَرگوَز 14:21 Кръстосани препратки

پێدایش 8:1

هُدایا نوه و هما سجّهێن وَکشیێن هئیوان و دَلوَت یات کرتنت که نوهئے همراهیا بۆجیگا اَتنت. هُدایا زمینئے سرا گواتے راه دات و آپ اێر آیان بوت.

زَبور 136:13

هما که سُهرزِری دو کَپّ کرت، مِهری اَبدمان اِنت،

زَبور 148:8

او گِرۆک و ترۆنگل، برپ و جمبران، او توپانێن گواتان که هماییئے هُکما برجاهَ دارێت،

زَبور 66:6

دریایی هُشک کرت و هُدائے کئوم اۆدا پاد پئیادکا چه کئورا گوَست، آییئے بارگاها شادمانی بکنێن.

زَبور 74:13

اے تئو اتئے که دریااِت گۆن وتی زۆر و واکا دو نێم کرت و دریائے بَلاهانی سرِت آپانی نیاما پرۆشتنت،

زَبور 78:13

آیانی دێمئے دریایی نێم کرت و آیی گوازێنتنت، آپی، دوێن دێمان چۆ دیوالا مِکّ کرت.

دَرگوَز 14:16

تئو وتی اَسایا چست کن و دستا دریائے سرا شهار دئے و دریایا دو بهر کن که اِسراییلی چه دریائے تَها، هُشکیئے سرا بگوَزنت.

دَرگوَز 14:20

جمبرئے مِنُک مِسرئے لشکر و اِسراییلئے لشکرئے نیاما اۆشتات. جمبرا یکّ نێمگے تهار و دومی نێمگ رُژنا کرت. سجّهێن شپا لشکر یَکدومیئے نزّیکّا نئیاتکنت.

دَرگوَز 15:8

چه تئیی پۆنزئے دَما آپ سر په سر بوت، تچۆکێن آپ چۆ دیوالا مُهر اۆشتاتنت. جُهلێن آپ دریائے گُبّا بَدِتنت.

دَرگوَز 7:19

هُداوندا گۆن موسّایا گوَشت: ”هارونا بگوَش: ’وتی اَسایا دستا کن و دستا مِسرئے آپانی سرا شهار دئے، آیانی کئورانی سرا، آیانی جۆانی سرا، آیانی تَلاوَگانی سرا و آیانی سجّهێن آپجلّانی سرا. اِشانی تهئے سجّهێن آپ هۆن جۆڑَ بنت. سجّهێن مِسرئے مُلک هۆنا پُرَّ بیت، آپدان هم چه هۆنا پُرَّ بنت.‘“

کاسِدانی کار 7:36

هما اَت که چه مِسرا اِسراییلیانی در آیگئے رهشۆن بوت. هماییا، مِسر و سُهرزِرئے تئیابا و تان چِلّ سالا گیابانان مۆجزه و اَجَبَّتێن نشانی پێشَ داشت.