دَرگوَز 12:6 - هُدائے پاکێن کتاب، بلۆچی زبانا

⁶ تان اے ماهئے چاردهمی رۆچا بِدارێتی. سجّهێن اِسراییلی مهلوک مگرب‌تهارا وتی وتی پَسا هلار بکنت.

دَرگوَز 12:6 Кръстосани препратки

دَرگوَز 12:14

اے په شما یاتگارێن رۆچے ببیت. شما باید اِنت اے رۆچا هُداوندئے ناما جَشنے بکنێت. اے جشنا نَسلانی نَسل اَبدی پرمانێئے هسابا برجاه بدارێت.

دَرگوَز 12:17

بێهُمیرێن نگنئے ائییدا برجاه بدارێت، چێا که همے رۆچا من شمارا رُمب رُمبا چه مِسرا در کرت. نَسلانی نَسل اے رۆچا اَبدی پرمانێئے هسابا برجاه بدارێت.

دَرگوَز 12:18

ائولی ماها، چاردهمی رۆچئے بێگاها بگر تان بیست و یکّمی رۆچئے بێگاها بێهُمیرێن نگن بوَرێت.

دَرگوَز 12:47

سَرگوَزئے رۆچا اِسراییلئے سجّهێن مهلوک ائیید بکنت.

دَرگوَز 16:1

سجّهێن اِسراییلی مهلوک چه اێلیما رهادگ بوت. چه مِسرا در کپگا رند، دومی ماهئے پانزدَهُمی رۆچا سینئے گیابانا سر بوتنت. سین، اێلیم و سینائے نیاما اِنت.

دَرگوَز 16:12

”من اِسراییلیانی نُرُنڈگ اِشکتگ‌اَنت. آیان بگوَش: ’بێگاها گۆشت و سُهبا نگنَ ورێت، لاپئے سێرا. گڑا شما زانێت که من هُداوند آن، شمئے هُدا.‘“

دَرگوَز 19:1

چه مِسرا در کپگا رند، سئیمی ماهئے ائولی رۆچا اِسراییلی سینائے گیابانا سر بوتنت.

دَرگوَز 29:39

یکّے سُهبا پێش کن و یکّے مَگرِب‌تَهارا.

دَرگوَز 29:41

دومی گوَرانڈا مَگرِب‌تَهارا پێش کن، سُهبئے دانئے کُربانیگئے پئیما، و رێچَگی کُربانیگا هم پێش کن. اے تاهیربَکشێن وشبۆے و په هُداوندا آس‌جَتێن کُربانیگے.

مَتّا 27:20

بله مزنێن دینی پێشوا و کئومئے کماشان مردمانی مُچّی سکّ شۆرێنت و آشُپێنت که ایسّائے مَرک و باراباسئے آزاتیا بلۆٹنت.

مَتّا 27:25

سجّهێن مردمان گوَشت: ”اِشیئے هۆن مئیگ و مئے چُکّانی گردنا ببیت.“

مَرکاس 15:1

سَباها ماهلّه مزنێن دینی پێشوا، کئومئے کماش، شَریَتئے زانۆگر و سرۆکانی دیوانئے سجّهێن باسک همشئور بوتنت و ایسّااِش بست، گِرّان کرت و پیلاتوسئے دستا دات.

مَرکاس 15:11

بله دینی پێشوایان مردم شۆرێنت و آشُپێنتنت تان چه پیلاتوسا ایسّائے بدلا، باراباسئے آزاتیا بلۆٹنت.

مَرکاس 15:25

سُهبئے وهد اَت که ایسّااِش سَلیب کَشّت.

مَرکاس 15:8

مردم، پیلاتوسئے کِرّا آتکنت، دَزبندی‌اِش کرت و گوَشتِش: ”هر دابا که تئو گوَستگێن سالان کرتگ، اِمبری هم هما دابا بکن.“

لوکا 23:1

رَندا، دیوانئے سجّهێن مردم پاد آتکنت و ایسّااِش پیلاتوسئے دێما برت.

لوکا 23:18

بله سجّهێن مردمان کوکّار کرت و گوَشت: ”ایسّایا بکُش! باراباسا یله بدئے!“

کاسِدانی کار 2:23

اے مرد گۆن هُدائے پێشزانتی و گیشّێنتگێن شئورا شمئے دستا دئیگ بوت و شما گۆن بێدینانی کُمکّا سَلیبئے سرا دْرتک و کُشت.

کاسِدانی کار 3:14

بله شما آ ’پاک و نێکێن‘ نمَنِّت و آییئے جاها په یکّ هۆنیگێا آزاتی لۆٹت.

کاسِدانی کار 4:27

په راستی، همے شهرا هیرودیس، پُنتیوس پیلاتوس، آ دگه درکئومێن مردم و بنی اِسراییلئے سجّهێن کئوم و کَبیله همدست بوتنت و تئیی پاکێن هِزمتکار ایسّائے هلاپا پاد آتکنت، هما ایسّا که تئو گۆن رۆگن پِر مُشگا په بادشاهیا گچێن کرتگ‌اَت.