دَرگوَز 12:48 - هُدائے پاکێن کتاب، بلۆچی زبانا

⁴⁸ اگن شمئے نیاما ڈَنّی مردمے نِشتگ و سَرگوَزئے رۆچا هُداوندئے ناما ائیید کنگَ لۆٹیت، آییئے لۆگئے سجّهێن مردێن پێسرا سُنّت کنگ ببنت. گڑا آ مردم بَهر زرتَ کنت و مُلکی مردمانی پئیما بیت. بله هچّ سُنّت نکرتگێن مردێن اِشیا مئوارت.

دَرگوَز 12:48 Кръстосани препратки

پێدایش 17:11

شما وتا سُنّت بکناێنێت. اے هما اَهد و پئیمانئے نشانیَ بیت که منی و شمئے نیاما اِنت.

پێدایش 17:12

آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.

دَرگوَز 12:19

تان هپت رۆچا شمئے لۆگان هُمیر مبیت. چێا که هرکَسا که هُمیری چیزّے وارت، آ مردم چه اِسراییلئے مهلوکا سِندَگَ بیت، هرکَس ببیت، دَرامَدے یا مُلکی مردمے.

دَرگوَز 12:43

هُداوندا گۆن موسّا و هارونا گوَشت: ”اِش اِنت سَرگوَزئے ورگئے پَرمان: هچّ ڈَنّی مردم اِشیا مئوارت،

په گَلاتیان پولُسئے کاگد 3:28

هُدائے کرّا پرک و پێر نێست که شما یَهودی اێت یا درکئوم، گُلام اێت یا آزات، مردێن اێت یا جنێن، چێا که شما سجّهێن ایسّا مَسیهئے برکتا یکّ اێت.