دَرگوَز 12:31 - هُدائے پاکێن کتاب، بلۆچی زبانا

³¹ شپئے شپ پِرئونا موسّا و هارون لۆٹاێنتنت و گوَشتی: ”چِست بێت و چه منی مُلک و مردمان دور بێت، شمئے جند و سجّهێن اِسراییلی. برئوێت و هُداوندا پرستش کنێت، هما پئیما که شما وت گوَشتگ.

دَرگوَز 12:31 Кръстосани препратки

زَبور 105:38

مِسر چه بنی اِسراییلئے رئوگا گَل بوت، چێا که آیانی تُرسا گار اَت.

دَرگوَز 10:29

موسّایا گوَشت: ”هرچے تئو گوَشئے. من دگه برے تئیی دێما نکپان.“

دَرگوَز 10:9

موسّایا گوَشت: ”ما گۆن وتی وَرنا و پیرێنانَ رئوێن. گۆن وتی مردێن‌چُکّ و جنێن‌چُکّان، گۆن وتی پَس و گۆکانَ رئوێن. چێا که مارا په هُداوندا جشنے گِرگی اِنت.“

دَرگوَز 11:1

هُداوندا گۆن موسّایا گوَشت: ”من پِرئون و مِسرئے سرا دگه یکّ کَهرے دئورَ دئیان. اِشیا رند آ شمارا چه اِدا رئوگا کِلّیت. رئوگئے هبرا بِلّ، شمارا سَرجمیا چه اِدا گَلّێنیت.

دَرگوَز 11:8

تئیی اے سجّهێن هِزمتکار منِ موسّائے کرّا کاینت و کۆنڈانَ کپنت و گوَشنت: ’در آ، تئیی جند گۆن هما سجّهێن مردمان که تئیی رَندگیر اَنت.‘ گڑا من چه اے مُلکا درَ کایان و رئوان.“ نون موسّا زهرا زهر چه پِرئونئے کرّا در آتک و شت.

دَرگوَز 12:39

هما تَرّ کرتگێن آرت که چه مِسرا گۆن اَتنتِش، چه آیان بێهُمیرێن کۆلُکِش پَتک. مردم چه مِسرا گلّێنَگ بوتگ‌اَتنت، پمێشکا چانَگ بێهُمیر اَتنت. آیان نَتوانت مَهتل ببنت و په وتی تۆشگا وراک اَڈّ بکننت.

دَرگوَز 6:1

هُداوندا گۆن موسّایا گوَشت: ”نون تئو گندئے که من گۆن پِرئونا چے کنان. پِرئون منی زۆرمندێن دستا که گِندیت، مهلوکا رئوگا کِلّیت. هئو، منی زۆرمندێن دستا که گِندیت، آیان چه وتی مُلکا گَلّێنیت.“

دَرگوَز 8:25

پِرئونا موسّا و هارون لۆٹاێنت و گوَشتنت: ”برئوێت و په وتی هُدایا کُربانیگ بکنێت، بله همے مُلکئے تها.“

دَرگوَز 8:8

پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“