دَرگوَز 12:29 - هُدائے پاکێن کتاب، بلۆچی زبانا

²⁹ هما شپئے نێما هُداوندا، مِسرئے مُلکا سجّهێن ائولی مَردێن‌چُکّ جتنت. شاهی تَهتا نِشتگێن پِرئونئے ائولی چُکّا بگر تان زندانا نِشتگێن بندیگێئے ائولی چُکّ، و مال و دَلوَتانی سجّهێن ائولی نَرێن چُکّ، سجّهێن مُرتنت.

دَرگوَز 12:29 Кръстосани препратки

پێدایش 15:14

بله من، آ کئوما سِزا دئیان که تئیی نَسلا گُلامَ کنت. پدا تئیی پَدرێچ گۆن مزنێن مال و مَڈّیێا چه اۆدا درَ کئیت.

زَبور 105:36

نون آیانی سجّهێن ائولی چُکّی جتنت آیانی مردانگیئے ائولی بَر و سَمر.

زَبور 135:8

هماییا مِسرئے ائولی چُکّ جتنت، مردمانی ائولی چُکّ و دَلوَتانی هم.

زَبور 136:10

هما که مِسرئے ائولی چُکّی جتنت، مِهری اَبدمان اِنت و

زَبور 78:50

راهی په وتی هِژما راست و تچک کرت، چه مرکا نرَکّێنتنتی، وبایانی دپاای داتنت.

زَبور 78:51

مِسرئے سجّهێن ائولی چُکّی جتنت، مِسرئے گدان‌نِندانی مردانگیئے ائولی بَر و سَمر.

دَرگوَز 11:1

هُداوندا گۆن موسّایا گوَشت: ”من پِرئون و مِسرئے سرا دگه یکّ کَهرے دئورَ دئیان. اِشیا رند آ شمارا چه اِدا رئوگا کِلّیت. رئوگئے هبرا بِلّ، شمارا سَرجمیا چه اِدا گَلّێنیت.

دَرگوَز 12:12

من همے شپا مِسرا گَردانَ بان و مُلکئے سجّهێن ائولی مَردێن‌چُکّانَ جنان. اِنسانان بگر تانکه دَلوَتانی ائولی چُکّانَ جنان و مِسرئے سجّهێن هُدایان سِزا دئیان. من هُداوند آن.

دَرگوَز 12:28

اِسراییلی شتنت و هما پئیما که هُداوندا موسّا و هارون هُکم داتگ‌اَتنت، هما پئیما کرتِش.

دَرگوَز 13:15

وهدے پِرئونا زِدّ کرت و مارا رئوگا نه‌اِشت، هُداوندا مِسرئے مُلکا سجّهێن ائولی چُکّ کُشتنت، چه انسانئے ائولی مَردێن‌چُکّان بگر تان دَلوَتانی ائولی نَرێن چُکّان، سجّهێنی کُشتنت. پمێشکا من هر دَلوَتئے ائولی نَرێن چُکّا په هُداوندا کُربانیگَ کنان و وتی لۆگئے سجّهێن ائولی مَردێن‌چُکّانَ مۆکان.‘

دَرگوَز 4:23

من ترا گوَشت که منی چُکّا بِلّ که رئوت و منی پرستشا کنت. بله تئو نَمَنِّت و رئوگا نه‌اِشت. بِچار، نون من تئیی چُکّا کُشان، تئیی ائولی مَردێن‌چُکّا.‘“

دَرگوَز 9:6

دومی رۆچا هُداوندا اے کار کرت. مِسریانی سجّهێن مال و دَلوَت مُرتنت، بله چه اِسراییلیانی مال و دَلوَتان یکّے هم نمُرت.