دَرگوَز 12:28 - هُدائے پاکێن کتاب، بلۆچی زبانا

²⁸ اِسراییلی شتنت و هما پئیما که هُداوندا موسّا و هارون هُکم داتگ‌اَتنت، هما پئیما کرتِش.

دَرگوَز 12:28 Кръстосани препратки

دَرگوَز 12:27

بگوَشێت که اے په هُداوندا سَرگوَزئے کُربانیگے، چێا که هُداوندا، مِسرا اِسراییلیانی لۆگ سَرگوَز کرتنت. وهدے هُداوندا مِسری جَتنت، مئے لۆگانی سرا هئیری کرت.“ گڑا مردمان سر جَهل کرت و پَرستِشا لگِّتنت.

دَرگوَز 12:29

هما شپئے نێما هُداوندا، مِسرئے مُلکا سجّهێن ائولی مَردێن‌چُکّ جتنت. شاهی تَهتا نِشتگێن پِرئونئے ائولی چُکّا بگر تان زندانا نِشتگێن بندیگێئے ائولی چُکّ، و مال و دَلوَتانی سجّهێن ائولی نَرێن چُکّ، سجّهێن مُرتنت.

دَرگوَز 12:35

اِسراییلیان هما پئیما کرتگ‌اَت که موسّایا گوَشتگ‌اَتنت. آیان مِسریانی کِرّا گُد و چه نُگره و تِلاها اَڈّ بوتگێن سامان لۆٹتگ‌اَت.

دَرگوَز 14:4

من، پِرئونئے دلا سِنگَ کنان و آ اِسراییلیانی رَندا کپیت. پِرئون و آییئے سجّهێن پئوج منی شان و شئوکتئے سئوَب‌سازَ بنت. گڑا مِسریَ زاننت که من هُداوند آن.“ اِسراییلیان همۆدا اُرد کرت که هُداوندا گوَشتگ‌اَت.

دَرگوَز 36:1

”بِسَلێل و اُهولیاب و سجّهێن هُنَرمند که هُداوندا پاکێن جاگهئے اَڈّ کنگئے سجّهێن کارانی دانایی و پَهم بَکشاتگ‌اَنت، اے کارا هما پئیما سَرجم بکننت که هُداوندا هُکم داتگ.“

دَرگوَز 39:32

تَمبوئے، بزان شاهدیئے تَمبوئے سجّهێن کار سَرجم بوتنت. اِسراییلیان سجّهێن کار کرتنت. هما پئیما که هُداوندا موسّا هُکم داتگ‌اَت، هما پئیما کرتِش.

دَرگوَز 39:42

اِسراییلیان اے سجّهێن کار سَرجم کرتنت، هما پئیما که هُداوندا موسّا هُکم داتگ‌اَت.

دَرگوَز 39:43

موسّایا سجّهێن کار چارِتنت و دیستی که آیان کار سَرجم کرتگ. هما پئیما که هُداوندا هُکم داتگ‌اَت، آیان هما پئیما کرتگ‌اَت. نون موسّایا آ برکت داتنت.

دَرگوَز 7:10

موسّا و هارون پِرئونئے کرّا شتنت و هما پئیما که هُداوندا هُکم داتگ‌اَتنت، هما پئیما کرتِش. هارونا وتی اَسا پِرئون و آییئے هِزمتکارانی دێما زمینا دئور دات و اَسا مارے بوت.

دَرگوَز 7:6

موسّا و هارونا اَنچُش کرت. هما پئیما که هُداوندا هُکم داتگ‌اَتنت، آیان هما پئیما کرت.