دَرگوَز 12:17 - هُدائے پاکێن کتاب، بلۆچی زبانا

¹⁷ بێهُمیرێن نگنئے ائییدا برجاه بدارێت، چێا که همے رۆچا من شمارا رُمب رُمبا چه مِسرا در کرت. نَسلانی نَسل اے رۆچا اَبدی پرمانێئے هسابا برجاه بدارێت.

دَرگوَز 12:17 Кръстосани препратки

دَرگوَز 12:14

اے په شما یاتگارێن رۆچے ببیت. شما باید اِنت اے رۆچا هُداوندئے ناما جَشنے بکنێت. اے جشنا نَسلانی نَسل اَبدی پرمانێئے هسابا برجاه بدارێت.

دَرگوَز 12:24

اے رسما تان اَبد برجاه بدارێت، اے په شما و شمئے چُکّان ابَدی پرمانے.

دَرگوَز 12:41

اے چار سد و سیێن سالانی گُڈسرا، گُڈّی رۆچئے جندا هُداوندئے سجّهێن مهلوک رُمب رُمبا چه مِسرا دَر آتک.

دَرگوَز 12:6

تان اے ماهئے چاردهمی رۆچا بِدارێتی. سجّهێن اِسراییلی مهلوک مگرب‌تهارا وتی وتی پَسا هلار بکنت.

دَرگوَز 13:10

اے پَرمانا سال په سال برجاه بدار، اِشیئے گیشّێنتگێن وهدا.

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

دَرگوَز 13:8

اے ائییدا که کنێت، هرکَس گۆن وتی چُکّا بگوَشیت: ’چه مِسرا در کپگئے وهدا هُداوندا په من هما کار که کرت، من هما کارئے هاترا اے ائییدا کنان.‘

دَرگوَز 34:18

بێهُمیرێن نگنئے ائییدا برجاه بدار. هما پئیما که من ترا هُکم داتگ، تان هپت رۆچا بێهُمیرێن نگن بوَر. اے کارا اَبیبئے ماها، هما گیشّێنتگێن وهدا بکن، چێا که همے ماها تئو چه مِسرا در آتکئے.

دَرگوَز 6:26

همے هارون و موسّا اَتنت که هُداوندا گۆن آیان گوَشت: ”اِسراییلیان چه مِسرا رُمب رُمبا بکشّێت.“

دَرگوَز 7:5

وهدے وتی دستا مِسرئے هِلاپا چِستَ کنان و بنی اِسراییلا چه مِسریانی نیاما کشّان، نون مِسریَ زاننت که من هُداوند آن.“