دَرگوَز 10:4 - هُدائے پاکێن کتاب، بلۆچی زبانا

⁴ اگن منی مهلوکا رئوگا مئیلئے، بچار، من باندا تئیی مُلکا مَدَگے مانَ رێچان.

دَرگوَز 10:4 Кръстосани препратки

دَرگوَز 10:3

موسّا و هارون پِرئونئے کرّا شتنت و گوَشتِش: ”هُداوند، اِبرانیانی هُدا چُشَ گوَشیت: ’تان کدێن گروناکَ بئے و منی دێما اۆشتئے و وتا بێکِبرَ نکنئے؟ منی مهلوکا بِلّ که رئوت و منا پرستشَ کنت.

دَرگوَز 10:5

مَدَگ سجّهێن مُلکا اَنچُشَ پۆشیت که کَسّ زمینا دیستَ نکنت. هرچے که چه ترۆنگلا پَشت کپتگ، مدَگِشَ وارت. تئیی هَمُک درچک و دار که زمینا رُدیت، آییا هم ورنت.

دَرگوَز 4:23

من ترا گوَشت که منی چُکّا بِلّ که رئوت و منی پرستشا کنت. بله تئو نَمَنِّت و رئوگا نه‌اِشت. بِچار، نون من تئیی چُکّا کُشان، تئیی ائولی مَردێن‌چُکّا.‘“

دَرگوَز 5:1

رندا موسّا و هارون شتنت و گۆن پِرئونا گوَشتِش: ”یَهوِه، اِسراییلئے هُدا چُشَ گوَشیت: ’منی مهلوکا بِلّ که گیابانا رئوت و په من جَشنے کنت.‘“

دَرگوَز 8:10

پِرئونا گوَشت: ”باندا.“ موسّایا گوَشت: ”اَنچُشَ بیت که تئو گوَشئے. پُگُل چه تئو و تئیی لۆگان، چه تئیی هِزمتکار و مردمان دورَ بنت و تهنا کئورا جَلّنت، تانکه تئو بزانئے که مئے هُداوندێن هُدائے مَٹّ نێست.“

دَرگوَز 8:23

من وتی مهلوک و تئیی مهلوکئے نیاما پرک و پێرَ کنان و اے نشانی باندا زاهرَ بیت.“‘“

دَرگوَز 9:18

بچار، باندا همے وهدا من اَنچێن تْرندێن ترۆنگلے گوارێنان که چه اِد و پێش مِسرا هچبر نبوتگ، چه هما وهدا بگر که مِسرئے بُنپد اێر کنگ بوتگ تان رۆچِ مرۆچیگا.

دَرگوَز 9:5

هُداوندا یکّ وهدے گیشّێنت و گوَشتی: ”باندا اے مُلکا منِ هُداوند اے کارا کنان.“

اِلهام 9:3

نون چه دوتّان زمینئے سرا مَدَگ در آتک و اے مَدَگان زمینئے زومّانی پئیمێن زۆرے دئیگ بوت.