دَرگوَز 1:11 - هُدائے پاکێن کتاب، بلۆچی زبانا

¹¹ بادشاه و آییئے مَنسبداران، بیگارگیر اِشانی کارمستر کرتنت که اِشانی سرا زۆراکی بکننت و گرانێن کارِش ببندنت. بنی اِسراییلیان په پِرئونا دو شهر اَڈّ کرت. یکّێئے نام پیتوم اَت و یَکّێئے رَمِسێس. دوێن اَمباری شهر اَتنت.

دَرگوَز 1:11 Кръстосани препратки

پێدایش 15:13

گڑا هُداوندا گوَشت: ”دلجم بئے و بزان که تئیی نَسل و پَدرێچ اَنچێن سرڈگارێا دَرامَدێئے پئیما جَهمنندَ بیت که آ مُلک آیانی نه‌اِنت. تئیی اۆبادَگ اۆدا گُلامَ بنت و تان چار سد سالا زُلم و زۆراکیئے آماچَ بنت.

پێدایش 47:11

هما پئیما که پِرئونا هُکم داتگ‌اَت، ایسُّپا وتی پت و برات مِسرا نادێنتنت و مِسرئے شَرترێن جاگها بزان رَمِسێسئے دَمگا مِلکتی داتنت.

زَبور 105:13

اے کئوم و آ کئومئے نیاما دَرپَدَر اَتنت، اے مُلک و آ مُلکا گَشتنت.

زَبور 129:1

”آیان منا چه ورناییا سکّ باز آزار داتگ،“ اِسراییل بگوَشات:

زَبور 129:2

”منا چه ورناییا سک باز آزارِش داتگ بله منا چێردستِش کُرت نکرتگ.

زَبور 68:13

تُرے گواش و آهُرّانی تها واب ببئے کپۆدرانی بال نُگره‌پۆشَ بنت و پُٹِش تِلاه‌رنگ.

زَبور 81:6

”بارُن چه آییئے کۆپگا دور کرت و دست چه گرانێن سَپتا آزات کرتنت.“

دَرگوَز 1:14

هِشت و بَتانَهئے اَڈّ کنگِشَ پرماتنت و ڈگارانی سرا هر دابێن گرانێن کارِشَ گپتنت و آیانی زندگی‌اِش اَزاب کرت. سجّهێن کارِش په بێرَهمی پرماتنت.

دَرگوَز 2:11

وهدے موسّا رُست و مزن بوت، یکّ رۆچے وتی مردمانی کرّا شت و آیانی بیگاری و گرانێن کاری دیستنت. موسّایا مِسریے دیست که اِبرانیێا، بزان چه موسّائے جندئے مردمان یکّێا جنَگا اَت.

دَرگوَز 3:7

هُداوندا گوَشت: ”منی مهلوک که مِسرا اِنت، من آیانی بزّگی شَرّیا دیستگ. من دیستگ که وتی بیگارگیرانی سئوَبا چۆن پِریاتَ کننت. آیانی دردان شَرّیا زانان.

دَرگوَز 5:10

مردمانی بیگارگیر و کارمستر ڈنّا شتنت و گۆن مردمان گوَشتِش: ”پِرئون چُشَ گوَشیت: ’من شمارا پَلارَ ندئیان.‘

دَرگوَز 5:15

اِسراییلی کارمستر شتنت و پِرئونئے کرّا پریاتِش کرت: ”تئو چێا گۆن وتی کَستران چۆ کنگا ائے؟

دَرگوَز 5:8

بله چه آیان هِشت هما کِساسا بلۆٹێت که پێسرا جتَگِش، هچّ کمّ مکنێت. اے مردم جاندُزّ و تَمبَل اَنت، پمێشکا پریاتَ کننت: ’مارا بِلّ که رئوێن و په وتی هُدایا کُربانیگَ کنێن.‘