دانیال 9:9 - هُدائے پاکێن کتاب، بلۆچی زبانا

⁹ رهمت و پهِلّی گۆن مئے هُداوندێن هُدایا اِنت بِلّ تُرے ما چه آییا یاگی بوتگێن.

دانیال 9:9 Кръстосани препратки

زَبور 130:4

بله تئو بَکشنده ائے تانکه تئیی تُرس مئے دلا ببیت.

زَبور 130:7

او اِسراییل! اُمێتا په هُداوندا بدار، که مِهر گۆن هُدایا اِنت و کامِلێن رَکّێنگ هماییئے دستا اِنت.

زَبور 62:12

مِهر و رَهم هم تئییگ اِنت، او هُداوند! تئو هرکَسا آییئے کرتگێن کارانی هسابا، مُزَّ دئیئے.

زَبور 86:15

بله تئو، او هُداوند، رهم کنۆک و مِهربانێن هُداے ائے، هِژم گرگا دێرَ کنئے و مِهر و وپایا سَررێچ ائے.

زَبور 86:5

تئو، او هُداوند، نێک و بَکشنده ائے و په آیان چه مِهرا سررێچ ائے که گۆن تئو پریاتَ کننت.

دانیال 9:5

ما گناه کرتگ، رَدێن کار کرتگ، بدکار و یاگی بوتگێن و چه تئیی پَرمان و کانونان وتی دێم تَرّێنتگ.

دانیال 9:6

ما تئیی هِزمتکارێن نبیانی هبر هم گۆش نداشتگ، هما که گۆن تئیی ناما گۆن مئے بادشاهان، مئے رهبران و مئے پت و پیرێنان و مُلکئے سجّهێن مردمان هبرِش کرتگ.

دانیال 9:7

اَدل تئیی جندئیگ اِنت، او هُداوند! بله ما مرۆچان پَشَل و سرجَهل اێن. یَهودائے مردم، اورشَلیمئے جَهمنند و سجّهێن اِسراییل اَنچُش اِنت، هما که نزّیکّ و گوَران اَنت و هما که دور اَنت. اے، تئو سجّهێن مُلکان گلّێنتگ‌اَنت که گۆن تئو بے‌وپایی‌اِش کرتگ.

دانیال 9:8

او هُداوند! ما چه شَرمِندگیا سَرجَهل اێن، مئے بادشاه، شهزادگ و مئے پت و پیرێن، چێا که ما تئیی گُنهکار اێن.