دانیال 9:2 - هُدائے پاکێن کتاب، بلۆچی زبانا

² هماییئے دئورئے ائولی سالا منِ دانیال، پاکێن کتابانی تها سالانی هما هسابا شَرّیا چارگا اَتان که هُداوندا وتی لبزئے تها گۆن اِرِمیا نبیا گوَشتگ‌اَت. من دیست که اورشَلیمئے تباهی تان هپتاد سالا مانیت.

دانیال 9:2 Кръстосани препратки

زَبور 119:24

تئیی پرمان منی شادمانی اَنت، په من سۆج و سَلاه اَنت.

دانیال 9:3

گڑا من وتی دێم هُداوندێن هُدائے نێمگا تَرّێنت، دْوا و پِریات کرت، رۆچگ داشت، گۆنیێن گُد گوَرا کرت و وتا پُر پِر رێتک.

مَتّا 24:15

وهدے شما آ ’پلیت و بێران کنۆکێن بَژّناکا‘ گندێت، هما که دانیال نبیا آییئے بارئوا هبر کرتگ که آ پاکێن جاگها اۆشتاتگ،“ وانۆک بزانت و شَرّ سرپد ببیت،

مَرکاس 13:14

وهدے شما آ ’پلیت و بێران کنۆکێن بَژّناکا‘ هما جاگها گندێت که آییئے جاگه نه‌اِنت،“ وانۆک بزانت و شَرّ سرپد ببیت، ”هما که یَهودیَها اَنت دێم په کۆهان بتچنت.

کاسِدانی کار 8:34

هَبَشی کلیتدارا چه پیلیپُسا جُست کرت: ”منا بگوَش، بارێن اے نبی کئیی بارئوا هبر کنگا اِنت؟ وتی بارئوا یا دگه کَسێئے؟“

په تیموتاووسا پولُسئے ائولی کاگد 4:13

تان منی آیَگا وتا گۆن اے کاران دَزگَٹّ کن: په مردمان پاکێن کتابا بُرزتئواریا بوان و آیان دِلبَڈّی و تالیم بدئے.

اِلهام 1:3

بَهتاور هما اِنت که اے پێشگۆییئے لَبزان په بُرزتئواریَ وانیت و بَهتاور هما اَنت که اے پێشگۆییئے لَبزان گۆشَ دارنت و هرچے که نبیسگ بوتگ، وتی دلا دارنتِش، چێا که وهد نزّیکّ اِنت.