دانیال 7:6 - هُدائے پاکێن کتاب، بلۆچی زبانا

⁶ اِشیا رَند، من اَنگت چارگا اَتان و دیستُن دگه یکّے، پُلنگئے ڈئولێنے اَت و اِشیئے پُشتا چار مُرگی بانزُل پِر اَت. اے جانوَرا چار سرَگ پِر اَت و هاکمی اِهتیارے اِشیا دئیگ بوت.

دانیال 7:6 Кръстосани препратки

دانیال 10:20

گڑا گوَشتی: ”تئو زانئے من چێا تئیی کرّا آتکگان؟ من زوتّ پِرَ تَرّان که گۆن پارسئے شهزادگا جنْگ بکنان و وهدے منَ رئوان، یونانئے شهزادگَ کئیت.

دانیال 2:39

چه ترا پد، دگه بادشاهیے کئیت که چه تئییگا کمزۆرتِرَ بیت. پدا سئیمی، بْرنجێن بادشاهیے کئیت که سجّهێن زمینئے سرا هُکمرانیَ کنت.

دانیال 7:4

ائولی، شێرئے ڈئولێنے اَت و وکابی بانزُلی پِر اَت. من چمّ سکّ کرتگ و تان هما وهدا چارگا اَتان که اِشیئے بانزُل گْوَجگ بوتنت و جندی چه زمینا چست کنگ و مردمێئے وڑا دو پادئے سرا اۆشتارێنگ بوت و اشیا اِنسانی دِلے دئیگ بوت.

دانیال 7:5

پدا دگه جانوَرے زاهر بوت، اے دومی، ممّئے ڈئولێنے اَت و کَش وپتگ‌اَت و سئے پهلوگی دنتانانی نیاما دپا اَت. اِشیارا گوَشگ بوت: ’پاد آ، وتا چه گۆشتا سێرلاپ کن.‘

اِلهام 13:2

همے رستر که من دیست، پُلنگێئے ڈئولا اَت. پادی پوره مَمّی پادانی پئیما اَتنت و دپی شێری دپێئے پئیما. اژدیایا وتی زۆر، وتی تَهت و وتی بلاهێن اِهتیار اِشیارا داتنت.