دانیال 6:7 - هُدائے پاکێن کتاب، بلۆچی زبانا

⁷ او بادشاه! تئیی سجّهێن سروزیر، هاکم، والی، سَلاهکار و سرداران وت‌مان‌وتا شئور کرتگ که تئو یکّ شاهی هُکمے بدئیئے که هرکَس تان آیۆکێن سی رۆچا ترا ابێد، دگه هُدا یا دگه مردمێئے کِرّا دْوا بلۆٹیت، شێرانی گارا دئور دئیگَ بیت.

دانیال 6:7 Кръстосани препратки

زَبور 10:9

شێرئے پئیما وتی کمینا ودارَ کنت، ودارَ کنت و نِزۆر و ناتوانان وتی پنجگا کاریت، پنجگا کاریت و داما دئورَ دنت.

زَبور 2:2

جهانئے بادشاه تئیارَ بنت و هاکم یکجاه مُچّ، هُداوند و آییئے مَسیهئے هِلاپا اۆشتنت:

زَبور 59:3

بچار که چِه پئیما په منی کۆشا کمینِش کرتگ. او هُداوند! زۆراکێن مرد منی هِلاپا یکجاه بوتگ‌اَنت، منا هچ گناه و مئیارے هم نێست.

زَبور 59:5

او هُداوند، او لشکرانی هُدا! تئو اِسراییلئے هُدا ائے، آگاه بئے، سجّهێن کئومان سِزا بدئے و بدکارێن درۆهۆکانی سرا رهم مکن. اۆشت...

زَبور 62:4

البت پندلَ سازنت که آییا چه بُرزاد سرشکون بکننت. چه درۆگ بندگا لزّتَ برنت، گۆن وتی دپا برکتَ دئینت، بله دلئے تها نالتَ کننت. اۆشت...

زَبور 83:5

په همدلی شئورِش کرتگ و تئیی هلاپا اَهدے بستگِش.

زَبور 94:20

چُشێن بےانساپێن هاکمے گۆن تئو یک و تِپاک بوتَ کنت که گۆن وتی هُکم و کانونان نااِنساپیَ کاریت؟

دانیال 2:4

گڑا نجومیان گۆن بادشاها اَرَمایی زبانا گوَشت: ”او بادشاه! مُدام زندگ باتئے. مارا وابا بگوَش. ما په تئو ماناییَ کنێن.“

دانیال 3:11

هرکَس که دێم په چێرَ نکپیت و سُجدهَ نکنت، رۆکێن کورَهئے تها دئور دئیگَ بیت.‘

دانیال 3:2

آییا والی، هاکم، سَردار، سَلاهکار، هزانگئے کلیتدار، کازی، مُنسِپ و دَمگئے اے دگه سجّهێن مَنسَبدار لۆٹتنت که بیاێت و اے بُتئے دێمدَراییئے رسمان بهر بزورێت که بادشاه نِبوکَدنِزَرا مِکّ کناێنتگ.

دانیال 3:27

والی، هاکم، سردار و بادشاهئے سَلاهکار مُچّ بوتنت و دیستِش که آسا اے مردمانی بدن اینچُکا هم نگپتگ‌اَت، نه آیانی سرئے مودے پیلُّشتگ‌اَت و نه آیانی گُدانی رَنگ بدل بوتگ‌اَت. آسئے بۆا هم کنگا نه‌اتنت.

دانیال 3:6

هرکَس که دێم په چێرَ نکپیت و سُجدهَ نکنت، هما دمانا رۆکێن کورَها دئور دئیگَ بیت.“

دانیال 6:16

گڑا بادشاها هُکم دات و دانیال آرگ و شێرانی گارا دئور دئیگ بوت. بادشاها گۆن دانیالا گوَشت: ”تئیی هما هُدا وَت ترا برَکّێنات که تئو مُدام آییئے هِزمتا کنئے.“

دانیال 6:22

منی هُدایا وتی پرێشتگے راه دات که شێرانی دپی بست. شێران منا هچّ تاوان ندات. او بادشاه! همینچک که من هدائے دێما بێگُناه آن، همینچک تئیی دێما هم من هچّ رَدێن کارے نکرتگ.“

مَتّا 12:14

بله پَریسی ڈنّا شتنت و په ایسّائے کۆشارێنگا شئور و سَلاهِش کرت.

مَتّا 26:4

اے پَندَل جۆڑێنت که ایسّایا په یکّ رِپک و هنرے بگراێننت و بکۆشارێننت.

مَرکاس 15:1

سَباها ماهلّه مزنێن دینی پێشوا، کئومئے کماش، شَریَتئے زانۆگر و سرۆکانی دیوانئے سجّهێن باسک همشئور بوتنت و ایسّااِش بست، گِرّان کرت و پیلاتوسئے دستا دات.

یوهَنّا 12:10

پمێشکا مزنێن دینی پێشوایان ایلازَرئے کُشگئے شئور هم کرت،