دانیال 5:23 - هُدائے پاکێن کتاب، بلۆچی زبانا

²³ تئو وتارا آسمانی هُداوندئے دێما بُرز زانت و لێکِت و هُکمِت کرت که هُدائے لۆگئے دَرپ تئیی دێما آرگ ببنت. تئو و تئیی میر و مهتِران، تئیی جَنان و سُریَتان اے درپانی تها شراب وارت و تئو نُگره، تلاه، بْرنج، آسن، دار و سِنگێن هُدا ستا کرتنت که نه گندنت، نه اشکُننت و نه سرپدَ بنت. بله تئو هما هُدا شان و شئوکت ندات که تئیی ساه و تئیی سجّهێن راه آییئے دستا اَنت.

دانیال 5:23 Кръстосани препратки

پێدایش 14:19

آییا اِبرام برکت دات و گوَشت: ”اِبرام! ترا چه بُرزین اَرشئے هُدا، آسمان و زمینئے اَڈّ کنۆکئے نێمگا برکت برسات.

پێدایش 2:7

هُداوندێن هُدایا چه زمینئے هاکا مردمے جۆڑ کرت، آییئے پۆنزا زِندئے ساهی دَمِت و اے مردم سَهدارے بوت.

زَبور 104:29

تئو که وتی دێما چێرَ دئیئے، اے پرێشانَ بنت و سرسرَ جننت، اِشانی ساها که پچَ گِرئے مرنت و هاکا پِرَ ترّنت.

زَبور 115:16

بُرزێن اَرش هُداوندئیگ اِنت و زمینی بنی‌آدمارا داتگ.

زَبور 139:3

تئو منا تَرّ و گَرد کنگا هم گِندئے و تچک بئیگ و آرام کنگا هم، منی هر کارا زانئے.

زَبور 146:4

اَرواهِش که درَ کئیت، زمینا پِرَ ترّنت و هما رۆچا آیانی سجّهێن شئور و هئیال گار و زئوالَ بنت.

دانیال 11:12

چه اے پئوجئے پرۆش دئیگا رَند، جنوبئے بادشاه گُروناکَ بیت و هزاران مردمَ کُشیت بله اَنگت بالادستَ نبیت،

دانیال 4:37

نون منِ نِبوکَدنِزَر آسمانانی بادشاها ستا کنان، ساڑایان و شرپَ دئیان چێا که آییئے سجّهێن کار راست اَنت و آییئے راه په اِنساپ. آ، گُروناکانی گردِنا جَهل کرتَ کنت.“

دانیال 8:11

اِشیا وتارا لشکرئے سالارئے ڈئولا مزن کرت. هر رۆچیگێن کُربانیگی بند کناێنتنت و مزنێن پرستشگاهی کَمشَرَپ کرت.

کاسِدانی کار 17:25

آ په انسانئے هچّ چیزّا وازمند نه‌اِنت و هچکَس په آییا هِزمتے کرتَ نکنت، چێا که آ وت هرکَسا زِند و ساهَ بَکشیت و انسانئے اے دگه لۆٹ و گَرَزان هم سَرجمَ کنت.

په تیموتاووسا پولُسئے ائولی کاگد 3:6

کلیسائے کماش باید اِنت نۆک‌باوَرے مبیت. چۆ مبیت که گروناک ببیت و هما پئیما مئیاربار ببیت که شئیتان بوت.

اِلهام 9:20

پَشت کپتگێن مردم که اے اَزابان نکُشتگ‌اَتنت، اَنگت چه وتی دستانی کاران پشۆمان نبوتنت و تئوبهِش نکرت و تلاه، نُگره، بْرنج، سِنگ و دارئے هما پلیتێن اَرواه و بُتانی سُجده کنگِش یله نکرت که نه دیستَ کننت، نه اِشکتَ کننت و نه راه شتَ کننت.