دانیال 5:11 - هُدائے پاکێن کتاب، بلۆچی زبانا

¹¹ تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 5:11 Кръстосани препратки

پێدایش 41:38

پِرئونا گۆن وتی هِزمتکاران گوَشت: ”دگه چُشێن مردمے درَ کپیت که اے مردئے پئیما هُدائے روه آییا مان ببیت؟“

دانیال 1:4

اَنچێن وَرنا که هچّ پئیمێن بدَنی ائیبِش مان مبیت و رنگا ڈئولدار ببنت، هر ڈئولێن هکمتا بلَد بئیگئے لاهک، زانتکار و زوت‌پَهم ببنت و بادشاهئے بارگاها اۆشتگا بِکَرزنت. پدا اے وَرنایان بابِلئے اَرَمایی زبان و لبزانکا بوانێن.

دانیال 2:11

اے کارا که تئوِ بادشاه لۆٹگا ائے، سکّ گران اِنت. چه هُدایان اَبێد، اے هبرا کسّ بادشاها گوَشتَ نکنت، و هُدا وَه اِنسانانی نیاما نَنِشتگ‌اَنت.“

دانیال 2:22

هما اِنت که چێر و اندێمێن رازان پدّرَ کنت، هما اِنت که زانت تهاریا چے هست و رُژنایی هماییئے همراه اِنت.

دانیال 4:18

اے هما واب اِنت که منِ بادشاه نِبوکَدنِزَرا دیستگ. او بِلْتِشازَر! نون تئو اِشیا مانا کن، پرچا که منی بادشاهیئے هچّ دانا اِشیا مانا کرتَ نکنت، بله تئو کرتیَ کنئے چێا که ترا پاکێن هُدایانی روه مان اِنت.“

دانیال 4:5

من وابے دیست و تُرسێا منا مان پتات. گَندلانی سرا، منی هئیال و شُبێنان منا تُرسێنت.

دانیال 4:6

گڑا من هُکم دات که بابِلئے سجّهێن دانا آرگ ببنت تانکه منی وابا مانا بکننت.

دانیال 5:14

من انّون سهیگ بوتگان که ترا هُدایانی روهے مان اِنت و ترا باتنی رُژنایی، سَرپدی و اجبێن هکمتے هست.

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

کاسِدانی کار 12:22

وهدے آییئے هبر هلاس بوتنت، مردمان کوکّار کنانا گوَشت: ”اے انسانی تئوارے نه‌اِنت، هُدایی تئوارے.“

کاسِدانی کار 14:11

وهدے مردمان پولُسئے اے کار دیست، لیکاوونیَهئے گالوارا گوَشتِش: ”اے هُدا اَنت که بنی‌آدمئے شِکل و دْرۆشما په ما اێر آتکگ‌اَنت.“

کاسِدانی کار 16:16

یکّ رۆچے ما زِگر و دْوائے جاگها رئوگا اتێن، مۆلدے دیستێن. مۆلدا جِنّے پِر اَت که چه آییئے زۆرا گئیب‌گوییَ کرت و چه اِشیا په وتی هُدابُندان بازێن زَرّ و مالیَ کَٹّت.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.