دانیال 4:6 - هُدائے پاکێن کتاب، بلۆچی زبانا

⁶ گڑا من هُکم دات که بابِلئے سجّهێن دانا آرگ ببنت تانکه منی وابا مانا بکننت.

دانیال 4:6 Кръстосани препратки

دَرگوَز 7:11

گڑا پِرئونا دانا و ساهِر لۆٹاێنتنت و اے مِسری جادوگران گۆن وتی جادوا همے کار کرت.

دانیال 1:17

اے چارێن وَرنا، هُدایا لبزانک و هکمتئے هر پئیمێن زانت و هُنر دئیان کرتنت. دانیال هر وڑێن الهام و شُبێن و وابانی مانایا هم بلَد اَت.

دانیال 2:2

گڑا بادشاها جادوگر، ساهِر، جِنّ‌بَند و نجومیانی لۆٹاێنگئے هُکم دات که آییئے وابان مانا بکننت. آ، آتک و بادشاهئے دێما اۆشتاتنت.

دانیال 2:48

پدا بادشاها دانیال مسترێن اُگدهے و بازێن تهپه و ٹێکیے دات، بابِلئے دَمگئے هُکمرانی‌ای سَرجما هماییئے دستا دات و بابِلئے سجّهێن دانایانی سرمستری کرت.

دانیال 4:15

بله درچکئے بُنڈا بِلّ که گۆن وَنڈال و ریشَّگان بِمانیت تانکه گۆن آسن و بْرنجێن پَٹّیێا پتایَگ ببیت و دشتئے سبزَگانی تها پَشت بکپیت. بِلّی چه آسمانئے نۆدا تَرَّ بیت و بِلّ که جنگلی جانوَرانی نیاما دشتئے سبزَگانی سرا زندگَ بیت.

دانیال 5:11

تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“