دانیال 4:25 - هُدائے پاکێن کتاب، بلۆچی زبانا

²⁵ تئو چه انسانان گلّێنگَ بئے و جنگلی جانوَرانی درنیاما جَهمنندَ بئے. تئیی وَرد و وراک پس و گۆکانی ڈئولا کاه و بوچَّ بنت و تئو چه آسمانئے نۆدان تَرَّ بئے. تان هپت زمانَگا تئو اَنچُشَ بئے، تان هما وهدا که تئو پَجّاه بیارئے که بُرزێن اَرشئے هُدا انسانی بادشاهیانی سرا هُکمران اِنت و هما مردما دنتِش که وتَ لۆٹیت.

دانیال 4:25 Кръстосани препратки

زَبور 103:19

هُداوندا وتی بادشاهیئے تهت آسمانان برجاه داشتگ و آییئے بادشاهی سجّهێن هستیئے سرا هاکمیَ کنت.

زَبور 106:20

وتی مزَن‌شانێن هُدائے بدلا کاه‌وارێن جَلَبێن گۆکێئے بُتِش زرت.

زَبور 75:7

اے هُدا اِنت که دادرسیَ کنت، یکّێا اێرَ جنت و یکّێا سربُرزَ کنت.

زَبور 83:18

بِلّ بزاننت که تئیی نام هُداوند اِنت و تهنا تئو، او بُرزێن اَرشئے هُدا، سجّهێن زمینئے سرا هاکمیَ کنئے.

دانیال 2:21

هما اِنت که وهد و مۆسمان بدلَ کنت، هما اِنت که بادشاهان دورَ کنت یا تَهتا نادێنیت، هما اِنت که دانایان هکمتَ دنت و سرپدێنان زانتَ بَکشیت،

دانیال 2:37

او بادشاه! تئو بادشاهانی بادشاه ائے. هما ائے که آسمانی هُدایا ترا بادشاهی، کُدرت، زۆر و واک و شان و شئوکت داتگ و

دانیال 2:47

بادشاها گۆن دانیالا گوَشت: ”بێشک تئیی هُدا، هُدایانی هُدا اِنت و بادشاهانی هُداوند اِنت و رازانی پدّر کنۆک، چێا که تئو اے راز پدّر کرت کرتگ.“

دانیال 4:16

بِلّ که اِشیئے دل چه مردمی دلێا بدل کنگ ببیت و اِشیا جانوَری دلے دئیگ ببیت و بِلّ که تان هَپت زمانَگا اَنچُش بِمانیت.

دانیال 4:17

اے هُکمئے جار کاسدان جتگ، پاکێنان اِشیئے هُکم داتگ، تانکه زندگێن مردم بزاننت که بُرزێن اَرشئے هُدا انسانی بادشاهیانی سرا هُکمران اِنت و اے بادشاهیان هما مردما دنت که هُدائے جندَ لۆٹیت. تنتنا کمزاتێن مردمان هم اے بادشاهیانی سرا هاکمَ کنت.‘

دانیال 4:2

هما نشانی که بُرزێن اَرشئے هُدایا منا پێش داشتگ‌اَنت و هما مۆجزه که په من کرتگ‌اَنتی، وشَّ بان که شمارا بگوَشانِش.