دانیال 4:18 - هُدائے پاکێن کتاب، بلۆچی زبانا

¹⁸ اے هما واب اِنت که منِ بادشاه نِبوکَدنِزَرا دیستگ. او بِلْتِشازَر! نون تئو اِشیا مانا کن، پرچا که منی بادشاهیئے هچّ دانا اِشیا مانا کرتَ نکنت، بله تئو کرتیَ کنئے چێا که ترا پاکێن هُدایانی روه مان اِنت.“

دانیال 4:18 Кръстосани препратки

پێدایش 40:12

ایسُّپا گوَشت: ”تئیی وابئے مانا اِش اِنت: سئے ٹالئے مانا سئے رۆچ اِنت.

پێدایش 41:15

پِرئونا گۆن ایسُّپا گوَشت: ”من وابے دیستگ و کَسّ اِشیا مانا کرتَ نکنت، بله من تئیی بارئوا اِشکتگ که اگن کَسے گۆن تئو وتی وابئے کِسّها بکنت، تئو مانایی کرتَ کنئے.“

پێدایش 41:8

سُهب که بوت، پِرئون پرێشان اَت. وتی مردمی راه داتنت و مِسرئے سجّهێن دانا و جادوگری لۆٹاێنتنت. پِرئونا گۆن آیان وتی وابانی کِسّه کرت، بله کَسّا آییئے واب مانا کرت نکرتنت.

دانیال 1:20

بادشاها هرچے که جُست کرتنت، دیستی که اے مردم هر پئیمێن هِکمت و سرپدیا چه مُلکئے سجّهێن جادوگر و ساهِران ده سَری شَرتر اَنت.

دانیال 2:38

هر جاگه که انسان، جنگلی جانوَر و بالی مُرگ زندگ اَنت، هُدایا ترا اے سجّهێنانی سرا هُکمران کرتگ. تلاهێن سر، تئو ائے.

دانیال 2:7

آیان یکّ رندے پدا گوَشت: ”جی بادشاه! مارا وابا بگوَش، ما ماناییَ کنێن.“

دانیال 5:15

منی دێما انّون دانا و ساهِر آرگ بوتگ‌اَنت که اے نبشتها بواننت و په من مانا بکننت، بله آیان مانا کرت نکرت.

دانیال 5:8

گڑا بادشاهئے سجّهێن داناێن مردم آتکنت، بله کَسّا نبشته وانت و په بادشاها مانا کرت نکرت.