دانیال 3:8 - هُدائے پاکێن کتاب، بلۆچی زبانا

⁸ هما وهدا، لهتێن بابلی مردم دێما آتک و یَهودیانی شکایَتِش کرت.

دانیال 3:8 Кръстосани препратки

دانیال 1:4

اَنچێن وَرنا که هچّ پئیمێن بدَنی ائیبِش مان مبیت و رنگا ڈئولدار ببنت، هر ڈئولێن هکمتا بلَد بئیگئے لاهک، زانتکار و زوت‌پَهم ببنت و بادشاهئے بارگاها اۆشتگا بِکَرزنت. پدا اے وَرنایان بابِلئے اَرَمایی زبان و لبزانکا بوانێن.

دانیال 2:10

نجومیان، بادشاهئے پسئوا گوَشت: ”او بادشاه! دنیایا هچّ چُشێن مردمے نێست که اے کارا کرت بکنت. هچّ بادشاها، هرچُنت که مزن و زۆراور ببیت، هچبر چه هچّ جادوگر، ساهر و نجومیا چُشێن پَرمایشے نکرتگ.

دانیال 2:2

گڑا بادشاها جادوگر، ساهِر، جِنّ‌بَند و نجومیانی لۆٹاێنگئے هُکم دات که آییئے وابان مانا بکننت. آ، آتک و بادشاهئے دێما اۆشتاتنت.

دانیال 3:7

پمێشکا هما دَمانا که آیان کَرنا، نَل، چَنگ، سرۆز، تَمبورگ و اے دگه سجّهێن ساز و زێملانی تئوار اِشکت، هر کئوم و راج و هر زُبانئے مردم، بادشاه نِبوکَدنِزَرئے مِکّ کناێنتگێن تلاهێن بُتئے دێما کپتنت و سجدهِش کرت.

دانیال 4:7

وهدے جادوگر، ساهر، نجومی و اِستارزانت آتکنت، من گۆن آیان وتی واب گوَشت بله آیان منی واب مانا کرت نکرت.

دانیال 6:4

گڑا اے دگه سروزیر و والی دانیالئے هکومتی کارانی تها رَدی شۆهاز کنگا لگّتنت، بله آیان په دانیالئے اێر جنگ و مئیاریگ کنگا هچّ نیمّونے دست نکپت. آ، وپادارے اَت، چه وتی کاران نادلگۆش نه‌اَت و نه که سِلکاریے کرتی.

کاسِدانی کار 28:22

بله ما تئیی پِگر و هئیالان چه تئیی جِندئے دپا گۆش دارگَ لۆٹێن. پرچا که ما زانێن شمئے ایسّایی ٹۆلیئے بارئوا هر جاگه مردم بد گوَشگا اَنت.