دانیال 3:29 - هُدائے پاکێن کتاب، بلۆچی زبانا

²⁹ پمێشکا من هُکمَ دئیان که هرکَس ببیت، چه هر کئوم، راج و زُبانا که شَدرَک، میشَک و اَبِدنِگۆئے هُدائے بارئوا هرابێن هبرے بکنت، آ ٹُکّر ٹُکّر کنگَ بیت و آییئے لۆگ برباد کنگ و هاکۆٹے جۆڑ کنگَ بیت. چێا که دگه هچّ هُداے نێست که چُش رَکّێنت بکنت.“

دانیال 3:29 Кръстосани препратки

زَبور 3:8

رَکّێنۆک هُداوند اِنت، تئیی برکت تئیی کئوما برسات! اۆشت...

زَبور 76:10

په انسانا تئیی هِژم هم تئیی سَتائے سئوَبَ بیت و پَشت کپتگێن هِژما تئو وتی لانکا بندئے.

دانیال 1:19

وهدے بادشاها گۆن آیان گپّ و تْران کرت، دیستی که دگه کَس دانیال، هَنانیا، میشاێل و اَزَریائے پئیما نه‌اِنت. گڑا اے چارێن بادشاهئے جندئے هِزمتا دارگ بوتنت.

دانیال 1:7

دربارئے کارمَستِرا آیانا نۆکێن نام پِر کرت. دانیالئے نامی بِلتِشازَر، هَنانیائے شَدرَک، میشاێلئے میشَک و اَزَریائے اَبِدنِگۆ کرت.

دانیال 2:17

دانیال، لۆگا شت و وتی سنگت، هَنانیا، میشاێل و اَزَریایی هال داتنت.

دانیال 2:47

بادشاها گۆن دانیالا گوَشت: ”بێشک تئیی هُدا، هُدایانی هُدا اِنت و بادشاهانی هُداوند اِنت و رازانی پدّر کنۆک، چێا که تئو اے راز پدّر کرت کرتگ.“

دانیال 2:49

نون دانیالا گۆن بادشاها دزبندی کرت و بادشاها شَدرَک، میشَک و اَبِدنِگۆ بابِلئے دَمگئے کارانی مستر کرتنت. دانیال وت بادشاهئے دَربارا نِشت.

دانیال 2:5

بادشاها گۆن نجومیان گوَشت: ”منی گپّ یکّے. اگن شما منی وابا مگوَشێت و مانا مکنێت، شما ٹُکّر ٹُکّر کنگَ بێت و شمئے لۆگ تباه کنگ و هاکۆٹ جۆڑ کنگَ بنت.

دانیال 3:12

بله او بادشاه! لهتێن یَهودی هست: شَدرَک، میشَک و اَبِدنِگۆ، هما که تئو بابِلئے دَمگئے سرکاری کارانی اُگده داتگ‌اَنت، آیان تئیی هُکم نمَنِّتگ. اے مردم نه تئیی هُدایانی هِزمتا کننت و نه تئیی مِکّ کناێنتگێن تلاهێن بُتا سجدهَ کننت.“

دانیال 3:15

اے رندا، اگن شما کَرنا، نَل، چَنگ، سرۆز، تَمبورگ، ڈُهل و اے دگه سجّهێن ساز و زێملانی تئوار اِشکت و منی اَڈّ کرتگێن بُتئے دێما کپگ و سُجده کنگا تئیار اێت وَه شرّ، بله اگن شما سُجده نکرت گُڑا هما دَمانا رۆکێن کورَهئے تها دئور دئیگَ بێت. آ وهدا بارێن کجام هُدا شمارا چه منی دستا رَکّێنیت؟“

دانیال 3:17

اگن ما آسا دئور دئیگ ببێن، هما هُدا که ما آییئے هِزمتا کنێن، مارا چه رۆکێن کورَهئے آسا رَکّێنتَ کنت و هما مارا چه تئوِ بادشاهئے دستا هم رَکّێنیت.

دانیال 3:28

نِبوکَدنِزَرا گوَشت: ”شَدرَک، میشَک و اَبِدنِگۆئے هُدایا ستا و سنا بات که آییا وتی پرێشتگے دێم داتگ و وتی هِزمتکار رَکّێنتگ‌اَنت. اِشان وتی هُدائے سرا باوَر و بێسه اَت و منی هُکمِش نَمَنِّت. چه وتی زندا سر گوَستنت، بله وتی جندئے هُدایا اَبێد، دگه هُدائے هِزمت و سُجدها رَزا نبوتنت.

دانیال 6:28

نون اے مرد دانیالا، داریوش و پارسێن کورشئے بادشاهی دئورا دێمرئوی کرت.