دانیال 3:24 - هُدائے پاکێن کتاب، بلۆچی زبانا

²⁴ اناگت، بادشاه نِبوکَدنِزَرا په هئیرانی سِٹّ کرت و چه وتی سَلاهکاران جُستی کرت: ”ما سئے مردم نَبَست و آسا دئور نَدات؟“ آیان پسّئو دات: ”بله، او بادشاه!“

دانیال 3:24 Кръстосани препратки

دانیال 3:17

اگن ما آسا دئور دئیگ ببێن، هما هُدا که ما آییئے هِزمتا کنێن، مارا چه رۆکێن کورَهئے آسا رَکّێنتَ کنت و هما مارا چه تئوِ بادشاهئے دستا هم رَکّێنیت.

دانیال 3:23

اے سئیێن مُهر بَستگێن مرد شَدرَک، میشَک و اَبِدنِگۆ رۆکێن کورَها کپتنت.

دانیال 3:25

آییا درّاێنت: ”بچارێت، من آسئے تها چار مردم گَردگا گِندَگا آن. دست و پادِش پَچ اَنت و سلامت اَنت. چارمی پوره هُدایی چُکّے.“

دانیال 4:22

اے درچک تئو ائے، او بادشاه! چێا که تئو مزن و پُرواک ائے و تئیی مزنی رُستگ و آسمانا سر اِنت و تئیی بادشاهی تان زمینئے گُڈّی هَدّ و سیمسران رَستگ.

دانیال 4:27

او بادشاه! پمێشکا منی اے سۆج بلکێن په تئو شَرّێن سۆجے ببیت: نێکێن کار بکن که چه وتی گناهان دور ببئے و بزّگانی سرا رهم کن که چه وتی ردکاریان بِرَکّئے. بلکێن تئیی آبادی برجاه بمانیت.“

دانیال 5:18

او بادشاه! بُرزێن ارشئے هُدایا، نِبوکَدنِزَر بزان تئیی پیرُک، بادشاهی، مزنی، شان و شرَپ داتگ‌اَت.

دانیال 5:6

نون بادشاهئے دێم زرد ترِّت و آییا اَنچێن تُرسے دلا کپت که سْرێنئے بند و بۆگی شُل بوتنت و کۆنڈی اَنچۆ لَرزِتنت که گۆن یکدومیا لگّتنت.

دانیال 6:22

منی هُدایا وتی پرێشتگے راه دات که شێرانی دپی بست. شێران منا هچّ تاوان ندات. او بادشاه! همینچک که من هدائے دێما بێگُناه آن، همینچک تئیی دێما هم من هچّ رَدێن کارے نکرتگ.“

دانیال 6:7

او بادشاه! تئیی سجّهێن سروزیر، هاکم، والی، سَلاهکار و سرداران وت‌مان‌وتا شئور کرتگ که تئو یکّ شاهی هُکمے بدئیئے که هرکَس تان آیۆکێن سی رۆچا ترا ابێد، دگه هُدا یا دگه مردمێئے کِرّا دْوا بلۆٹیت، شێرانی گارا دئور دئیگَ بیت.

کاسِدانی کار 12:13

پِتْرُسا لۆگئے دروازگ ٹُکّت، رۆدا نامێن مۆلدے په دروازگئے پَچ کنگا در آتک.

کاسِدانی کار 26:13

او شرپدارێن بادشاه! نێمرۆچا همے راها، اَناگت آسمانا چه رۆچا رُژناترێن شَهمے دیستُن. هما رُژن منیگ و منی همراهانی چارێن نێمگان دْرپشِت.

کاسِدانی کار 26:27

مَڑاهدارێن بادشاه اَگْریپاس! ترا نبیانی سرا باور اِنت؟ هئو! منَ زانان که ترا باور اِنت.“

کاسِدانی کار 9:6

نون پاد آ و شهرا برئو. همۆدا گوَشنت ترا چِه کار کنگی اِنت.“